FTX ໄດ້ເລີ່ມກວດສອບສິນຊັບທົ່ວໂລກ. ຊຶ່ງນີ້ແມ່ນສ່ວນໜຶ່ງຂອງຂະບວນການປ້ອງກັນການລົ້ມລະລາຍໃນບົດທີ 11, ໂດຍມີ Perella Weinberg Partners LP (PWP) ຊຶ່ງເປັນບໍລິສັດບໍລິການດ້ານການເງິນໃນນິວຢອກ ທີ່ວ່າຈ້າງເປັນຫົວຫອກໃນການກວດສອບສິນຊັບເຫຼົ່ານີ້.

ການມີສ່ວນຮ່ວມຂອງ PWP ຈະຕ້ອງໄດ້ມີການຮັບອະນຸມັດຈາກສານ, FTX ກ່າວໃນຖະແຫຼງການ. ຖ້າໄດ້ຮັບການອະນຸມັດ PWP ຈະເປັນຫົວໜ້າການກວດສອບຊັບສິນຂອງ FTX.com ແລະ ບໍລິສັດໃນເຄືອ 101 ສາຂາຂອງຕົນ ເຊິ່ງຮ່ວມກັນເເລ້ວຖືເປັນລູກໜີ້ FTX ພາຍໃຕ້ການດຳເນີນການ. ໂດຍການກວດສອບເນື້ອຫານີ້ອາດນຳໄປສູ່ການປັບໂຄງສ້າງອົງກອນ ຫຼື ການຂາຍຜົນປະໂຫຍດທາງທຸລະກິດບາງຢ່າງທີ່ຖືໂດຍ FTX ແລະບໍລິສັດໃນເຄືອ.

John J. Ray CEO ຄົນໃໝ່ຂອງ FTX, ເປີດເຜີຍວ່າການກວດສອບຊັບສິນໄດ້ດໍາເນີນການຢ່າງຕໍ່ເນື່ອງໃນອາທິດທີ່ຜ່ານມາ “ພວກເຮົາມີຄວາມຍິນດີທີ່ຮູ້ວ່າບໍລິສັດໃນເຄືອໄດ້ຮັບການຄຸ້ມຄອງ ຫຼື ໄດ້ຮັບອະນຸຍາດຂອງ FTX ທັງໃນ ເເລະ ນອກສະຫະລັດອາເມລິກາດ ມີງົບດຸນດ່ຽງ, ການຈັດການທີ່ມີຄວາມຮັບຜິດຊອບ ແລະ franchise ທີ່ມີຄຸນຄ່າ” Ray ກ່າວ.

Ray ຖືກແຕ່ງຕັ້ງໃຫ້ເປັນ CEO ຂອງ FTX ຫຼັງຈາກການເວັດເທຣດທີ່ລົ້ມລະລາຍໄດ້ຍື່ນຟ້ອງສຳລັບການລົ້ມລະລາຍ, ໂດຍ CEO ໃໝ່ໄດ້ວິພາກວິຈານຜູ້ນຳຄົນກ່ອນ ເຖິງສິ່ງທີ່ລາວເອີ້ນວ່າ “ຄວາມລົ້ມເຫຼວທັງໝົດຂອງການຄວບຄຸມອົງກອນ”

ຄວາມຄິດເຫັນຂອງ Ray ເປັນຂໍ້ມູນຫຼ້າສຸດໃນການເປີດເຜີຍກ່ຽວກັບຂໍ້ຕົກລົງທີ່ໜ້າສົງໄສທີ່ເກີດຂື້ນໃນເວັບເທຣດ crypto ແລະ ບໍລິສັດຍ່ອຍ Alameda Research.

Ray ໃນຖານະຜູ້ນໍາຄົນໃໝ່ ລາວມີຈຸດປະສົງທີ່ຈະຮັກສາມູນຄ່າຂອງສິນຊັບ franchise ໃນຊ່ວງເວລານີ້ “ໃນສອງສາມອາທິດຂ້າງໜ້າ ການສຳຫຼວດການຂາຍ, ການເພີ່ມທຶນ ຫຼື ການເຮັດທຸລະກໍາເຊິງກົນລະຍຸດອື່ນໆທີ່ກ່ຽວຂ້ອງກັບບໍລິສັດໃນເຄືອເຫຼົ່ານີ້ຈະເປັນສິ່ງທີ່ໃຫ້ຄວາມສຳຄັນເປັນອັນດັບທຳອິດ ” Ray ກ່າວ, ພ້ອມຮຽກຮ້ອງໃຫ້ທຸກພາກສ່ວນທີ່ກ່ຽວຂ້ອງມີຄວາມອົດທົນ.

ທີ່ມາ : https://cutt.ly/pMLIKHj

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain