ເມື່ອເວົ້າເຖິງໂລຫະທີ່ມີຄ່າຫຼາຍທີ່ສຸດ ຫຼາຍໆຄົນອາດຄິດວ່າເເມ່ນທອງຄຳ ເພາະທອງຄຳເປັນທີ່ນິຍົມຫຼາຍໃນການຊື້ເກັບໄວ້ເກັງກຳໄລ ເເລະ ຍັງເປັນທີ່ນິຍົມຊື້ເພື່ອເປັນຂອງຂວັນທີ່ດີໃຫ້ເເກ່ຄົນທີ່ເຮົາຮັກ ເຊິ່ງໃນປັດຈຸບັນລາຄາທອງຄໍາກໍໄດ້ເພີ່ມຂຶ້ນສູງເລື້ອຍໆ. ໃນໂລກເຮົານັ້ນໄດ້ມີໂລຫະທີ່ຫຼາກຫຼາຍຊະນິດ ບາງຢ່າງອາດມີມູນຄ່າໜ້ອຍ ເເຕ່ບາງຢ່າງພັດມີມູນຄ່າຫຼາຍກວ່າທອງຄຳ, ເຊິ່ງໂລຫະຈະທີ່ມີມູນຄ່າຫຼາຍນັ້ນມັກຈະມີໜ້ອຍ ເເລະ ຫາຍາກ.

ມື້ນີ້ເຮົາຈະມາທຳຄວາມຮູ້ຈັກກ່ຽວກັບ 5 ໂລຫະທີ່ມູນຄ່າຫຼາຍທີ່ສຸດ ວ່າມີຫຍັງເເນ່ ໄປເບິ່ງກັນເລີຍ.

(14,000 ໂດລາ / Ounce)

Rhodium ເເມ່ນໂລຫະທີ່ມີມູນຄ່າສູງທີ່ສຸດ, ໂລຫະສີເງິນນີ້ຖືກຄົ້ນພົບໃນປີ 1803. Rhodium ເປັນໂລຫະທີ່ຫາຍາກຫຼາຍ ຈຶ່ງເຮັດໃຫ້ມັນມີລາຄາທີ່ສູງ ເເລະ ຍັງມີຄວາມທົນທານສູງຕໍ່ສະພາບເເວດລ້ອມ, ໂດຍປົກກະຕິແລ້ວມັນຈະຖືກໃຊ້ຮ່ວມກັບ palladium ເພື່ອສ້າງເຄື່ອງຟອກໄອເສຍ, ເຊິ່ງເປັນອົງປະກອບທີ່ສໍາຄັນຂອງຍານພາຫະນະເພື່ອຊ່ວຍຫຼຸດຜ່ອນການປ່ອຍ greenhouse gas.

Iridium (4,250 ໂດລາ / Ounce)

Iridium ເເມ່ນໜຶ່ງໃນໂລຫະທີ່ຫາຍາກໃນທຳມະຊາດ ເເລະ ມີຄຸນຄ່າຫຼາຍທີ່ສຸດໃນບັນດາເເຮ່ທາດທັງໝົດ. ຖືກຄົ້ນພົບໃນປີ 1804 ຕົວຂອງໂລຫະມີສີຂາວເງິນ, ມີຄວາມແຂງ ແລະ ຄວາມຄວາມທົນທານສູງ. Iridium ເປັນຜົນມາຈາກການຂຸດ nickel ແລະ ຖືກປຸງແຕ່ງຈາກແຮ່ platinum, ເຖິງເເມ່ນວ່າມັນອາດຈະມີຄຸນລັກສະນະທີ່ໂດດເດັ່ນຫຼາຍຢ່າງ (ເຊັ່ນ: ທົນທານຕໍ່ການເຊາະຫ້ຽນ) ເເຕ່ຫຼາຍໆອຸດສາຫະກໍາກໍບໍ່ສາມາດນຳມັນມາໃຊ້ເປັນປະຈຳໄດ້.

(1,946 ໂດລາ / Ounce)

Palladium ເປັນໂລຫະທີ່ມີຄ່າສູງ ເເລະ ນ້ຳໜັກເບົາ, palladium ມີສີເງິນເເວວວາວ ແລະ ຫາຍາກ ຖືກຄົ້່ນພົບໃນປີ 1803. ໂລຫະມີຄວາມທົນທານ ແລະ ຄວາມໜາແໜ້ນຫຼາຍ, ເຮັດໃຫ້ມັນເປັນທາງເລືອກທີ່ດີສໍາລັບການເອົາໄປເຮັດເປັນຊິ້ນສ່ວນເຄື່ອງປະດັບ, ຊິ້ນສ່ວນເຄື່ອງຈັກ ແລະ ການວັດສະດຸອຸດແຂ້ວ.

ທອງຄຳ (Gold 1,657 ໂດລາ / Ounce)

ທອງຄຳ ຫຼື Gold ຖືວ່າເປັນໜຶ່ງໃນໂລຫະມີຄ່າ ເເລະ ດຶງດູດໃຈທີ່ສຸດ, ມັນເປັນທີ່ຮູ້ຈັກຕັ້ງແຕ່ສະໄໝບູຮານ ແລະ ບໍ່ໄດ້ສູນເສຍຄວາມນິຍົມຂອງມັນຈົນຮອດປັດຈຸບັນ.

ໂລຫະທີ່ສວຍງາມນີ້ຍັງສືບຕໍ່ມີມູນຄ່າຕາມເວລາ, ເຖິງແມ່ນວ່າມູນຄ່ານີ້ມີຄວາມຜັນຜວນ (ບາງຄັ້ງຫຼຸດລົງ) ຕາມອຸປະສົງ ແລະ ຄວາມຕ້ອງການ. ເຊິ່ງໂລຫະນີ້ມີການຊັກນໍາຄວາມຮ້ອນທີ່ໂດດເດັ່ນ ແລະ ຄວາມຕ້ານທານຕໍ່າຫຼາຍ, ຄວາມແຂງເເຮງ ແລະ ການຕໍ່ຕ້ານສານເຄມີຂອງມັນຕໍ່າກວ່າໂລຫະທີ່ມີຄ່າຫຼາຍຊະນິດ. ມັນຈຶ່ງເໝາະທີ່ຈະເປັນວັດຖຸດິບທີ່ດີສໍາລັບການເຮັດເຄື່ອງປະດັບ.

Platinum (931ໂດລາ / Ounce)

Platinum ຖືກຄົ້ນພົບໃນປີ 1952, ໂດຍນັກເຄມີຊາວສະວີເດນ Schaeffer. ແຕ່​ກຣີກ ​ແລະ ​ເອຢິບ​ບູຮານ​ຮູ້​ກ່ຽວ​ກັບ​ການ​ມີ​ຢູ່ຂອງມັນ​ດົນເເລ້ວ.

Platinum ເປັນໂລຫະມີຄ່າທີ່ຫາຍາກ, ໂດຍທໍາມະຊາດເເລ້ວຈະພົບເຫັນໂລຫະນີ້ປະສົມຢູ່ໂລຫະອື່ນໆ. Platinum ມີຄວາມທົນທານຕໍ່ສານເຄມີສູງ, ມັນບໍ່ oxidize ເມື່ອຖືກອາກາດ ແລະ ບໍ່ປ່ຽນສີ.

platinum ຖືກໃຊ້ເຮັດເປັນເຄື່ອງປະດັບທີ່ມີລາຄາເເພງ ແລະ ຍັງຖືກໃຊ້ເພື່ອຫຼຸດຜ່ອນການປ່ອຍອາຍພິດຂອງຍານພາຫະນະ. ແນ່ນອນ, platinum ຍັງເປັນທີ່ນິຍົມສໍາລັບເອົາມາເຮັດເຟີນີເຈີ ແລະ ເຄື່ອງໃຊ້ໃນຄົວເຮືອນ, ໂດຍສະເພາະຂອງທີ່ມີຄຸນນະພາບສູງ ລາຄາແພງ.

ທີ່ມາ : https://cutt.ly/c9kwb08