Phishing ມີຕົ້ນກໍາເນີດໃນຊ່ວງກາງປີ 1990, ເມຶ່ອແຮັກເກີໄດ້ໃຊ້ທີ່ຢູ່ອີເມວປອມເພື່ອລັກຂໍ້ມູນຈາກຜູ້ເຄາະຮ້າຍໂດຍບໍ່ຮູ້ຕົວ. ແຮັກເກີໃນສະໄໝນັ້ນເອີ້ນວ່າ “Phreaks” ແລະໄດ້ກາຍມາເປັນຄໍາວ່າ “Phishing” ໃນມື້ນີ້.

ເຈົ້າ​ຮູ້​ບໍ່? Deceptive Phishing ເປັນວິທີການທີ່ນິຍົມຫຼາຍໃນບັນດາອາດຊະຍາກອນທາງອິນເຕີເນັດ. ເນື່ອງຈາກວ່າມັນງ່າຍກວ່າທີ່ຈະຫຼອກລວງໃຫ້ຄົນຄລິກລິ້ງເເທນທີ່ຈະແຮັກເຂົ້າໃນຄອມພິວເຕີ. 

• Phishing ແມ່ນຫຍັງ? 

“Phishing” ແມ່ນຮູບແບບຂອງການສໍ້ໂກງ, ເຊິ່ງແຮັກເກີຈະປອມຕົວເປັນອົງກອນ ຫຼື ບຸກຄົນທີ່ເຊື່ອຖືໄດ້. ໂດຍທົ່ວໄປແລ້ວແຮັກເກີຈະໃຊ້ທີ່ຢູ່ອີເມວປອມເພື່ອສົ່ງລິ້ງ ຫຼືໄຟລ໌ແນບ. ເມື່ອຜູ້ເຄາະຮ້າຍກົດເຂົ້າໄປ ແຮັກເກີກໍຈະລັກເອົາຂໍ້ມູນຂອງຜູ້ເຄາະຮ້າຍເຊັ່ນ: ລາຍລະອຽດການເຂົ້າສູ່ລະບົບ ຫຼື ຂໍ້ມູນທີ່ລະອຽດອ່ອນຂອງເຫຍື່ອ. 

“ການ Phishing ຜ່ານທາງອີເມລ໌ແມ່ນເປັນວິທີການທີ່ເຫັນໄດ້ຫຼາຍ. ເນື່ອງຈາກວ່າມັນມີລາຄາຖືກ, ຫາທີ່ຢູ່ອີເມວໄດ້ງ່າຍ ແລະ ມີປະສິດທິພາບສູງ” 

ໃນບາງຄັ້ງຈະມີການສ້າງເວັບໄຊທ໌ປອມຂື້ນມາ ຜູ້ທີ່ເຂົ້າເບິ່ງເວັບໄຊທ໌ຈະຄິດວ່າເວັບໄຊທ໌ເປັນຂອງທຸລະກິດ ຫຼື ອົງການຈັດຕັ້ງຂອງແທ້, ຫຼັງຈາກນັ້ນຜູ້ໃຊ້ຈະສົ່ງຂໍ້ມູນສ່ວນຕົວເຊັ່ນ: ລະຫັດຜ່ານ, ເລກບັນຊີ ແລະ ID ຜູ້ໃຊ້ໄປຫາເວັບໄຊທ໌. ຫຼັງຈາກນັ້ນແຮັກເກີກໍຈະໃຊ້ຂໍ້ມູນນັ້ນເພື່ອເຂົ້າເຖິງຄັງເງິນຂອງຜູ້ເຄາະຮ້າຍ ເເລະ ຍັງສາມາດນຳຂໍ້ມູນທີ່ມີຄວາມລະອຽດອ່ອນຕ່າງໆໄປຫາຜົນປະໂຫຍດໃນທາງທີ່ຜິດອີກດ້ວຍເຊັ່ນ: ການຂາຍຂໍ້ມູນໃຫ້ກັບຕະຫຼາດມືດ ເເລະ ອື່ນໆ. 

• ຕົວຢ່າງຂອງປະເພດ Phishing 

• Spear Phishing Attacks 

ເປັນການໂຈມຕີເເບບເຈາະຈົງບຸກຄົນ ຫຼື ອົງກອນໃດໜຶ່ງ. ໂດຍຈະລວບລວມຂໍ້ມູນສະເພາະກ່ຽວກັບຜູ້ເຄາະຮ້າຍເພື່ອເພິ່ມໂອກາດຈຄວາມເປັນໄປໄດ້ຂອງການຫຼອກລວງບຸກຄົນຫຼືອົງກອນນັ້ນໆໄດ້. ບາງຄັ້ງ, ອີເມວຂອງ Spear Phishing ອາດມີລາຍລະອຽດຂອງຜູ້ຮ່ວມງານ ຫຼື ຜູ້ບໍລິຫານຂອງອົງກອນ, ລວມທັງຊື່ຂອງຜູ້ເຄາະຮ້າຍເພື່ອເພີ່ມຄວາມໜ້າເຊື່ອຖື. 

• Whaling Attacks 

ເປັນການໂຈມຕີໄປທີ່ຜູ້ບໍລິຫານອົງກອນ ໂດຍແຮັກເກີຈະຊອກຫາຂໍ້ມູນເຊີງເລິກກ່ຽວກັບຜູ້ຖືກເຄາະຮ້າຍເພື່ອສ້າງຂໍ້ຄວາມທີ່ໜ້າເຊື່ອຖື. ມັນເປັນການຫຼອກລວງທີ່ຕ້ອງອາໄສຂໍ້ມູນເເບບລະອຽດ ແລະ ຄວາມເເມ້ນຢໍາຂອງເນື້ອຫາເພື່ອເພີ່ມໂອກາດຂອງການຫຼອກລວງໃຫ້ປະສົບຜົນສໍາເລັດ! 

• Pharming 

ແມ່ນຂະບວນການປ່ຽນເສັ້ນທາງເວັບໄຊທ໌ຂອງພວກເຮົາໄປຫາເວັບໄຊທ໌ປອມທີ່ຈະມີ link ໃຫ້ພວກເຮົາຄລິກໃສ່. ເປັນການຫຼອກລວງຜູ້ຖືກເຄາະຮ້າຍເຂົ້າໄປໃນເວັບໄຊທ໌ປອມ ແລະ ດຶງເອົາຂໍ້ມູນ ຫຼື ເເຮັກເຂົ້າໄປໃນອຸປະກອນຂອງເຫຍື່ອ. 

• ຈັບຜິດຂໍ້ຄວາມທີ່ໜ້າສົງໄສໃນອີເມລ໌? 

– ຂໍ້ຄວາມຈະກະຕຸ້ນໃຫ້ຜູ້ຖືກເຄາະຮ້າຍຢ້ານກົວ ແລະ ຄວາມຕ້ອງການທີ່ຈະຄລິກໃສ່ຂໍ້ຄວາມ ຫຼື link  

– ຂໍ້ຄວາມຈະກະຕຸ້ນໃຫ້ທ່ານສົ່ງຂໍ້ມູນສ່ວນບຸກຄົນເຊັ່ນ: ລາຍລະອຽດທາງດ້ານການເງິນ ຫຼື ລະຫັດຜ່ານ. 

– ຂໍ້​ຄວາມ​ທີ່ຖືກສ້າງຂຶ້ນເເບບບໍ່ຕັ້ງໃຈ ແລະ ​ມີ​ການ​ສະ​ກົດ​ຄໍາ​ຜິດ​. 

– ມີການຢື່ນຂໍ້ສະເໜີທີ່ “ດີເກີນໄປທີ່ຈະເປັນຄວາມຈິງ” ເຊັ່ນ “ເຈົ້າໂຊກດີ ໄດ້ຮັບຮາງວັນໃຫຍ່” 

• ວິທີການປ້ອງກັນ “Phishing” 

– ຕິດ​ຕັ້ງ​ໂປຣເເກຣມປ້ອງກັນໄວຣັສ​ 

– ໃຊ້ Desktop ແລະ Network Firewall 

– ໃຊ້ antispyware software  

– ຕິດຕັ້ງ anti-phishing toolbar  

– ຢ່າຄລິກໃສ່ link ທີ່ບໍ່ຮູ້ແຫຼ່ງທີ່ມາ ຫຼື ບໍ່ໝັ້ນໃຈວ່າຜູ້ສົ່ງນັ້ນເຊື່ອຖືໄດ້ແທ້ໆ 

ທີ່ມາ : https://cutt.ly/S0O23OA  

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

Bitcoin #bitqik #bitqikacademy #Cryptocurrency #Blockchain