ເມື່ອກ່າວເຖິງເຫດຜົນການລົ້ມສະລາຍຂອງນະຄອນໂຣມ ແລະ ອານາຈັກໂຣມັນທີ່ເຂັ້ມແຂງ ຫຼາຍຄົນຈະແນໄປທີ່ປັດໄຈພາຍນອກຢ່າງການຮຸກຮານຈາກຊົນເຜົ່າ Germanic ເຊັ່ນ Goths ແລະ Vandals. 

ແຕ່ແທ້ຈິງແລ້ວ ສະພາວະເງິນເຟີ້ທີ່ຮຸນເເຮງແມ່ນປັດໄຈຫຼັກ ທີ່ເຮັດໃຫ້ປະຊາຊົນມີຄວາມເປັນຢູ່ທີ່ທຸກຍາກຂຶ້ນເລື້ອຍໆ ຈົນອອກມາປະທ້ວງ ແລະ ເຮັດໃຫ້ເສດຖະກິດຂອງໂຣມັນອ່ອນແອລົງ. 

• ການເງິນ ເເລະ ວິກິດການໂຣກລະບາດ 

ໂຣມັນໃນຊ່ວງ ຄ.ສ 1-2 ຖືເປັນອານາຈັກທີ່ຍິ່ງໃຫຍ່ທີ່ສຸດແຫ່ງໜຶ່ງຂອງໂລກຢ່າງບໍ່ມີຂໍ້ໂຕ້ຖຽງ ພວກເຂົາເກັ່ງທັງດ້ານການຄ້າ ແລະ ການຮົບ, ມີນະໂຍບາຍທາງເສດຖະກິດທີ່ເປີດເສລີທາງດ້ານການຄ້າ ແລະ ການເກັບພາສີທີ່ຕໍ່າ. 

ເພື່ອການສະໝັບສະໝູນການຂະຫຍາຍຕົວທາງເສດຖະກິດນີ້ ໂຣມັນຕ້ອງສ້າງສະກຸນເງິນຂອງຕົນເອງຂຶ້ນມາ ຊື່ວ່າ “Denarius” ທີ່ມີມູນຄ່າໃນຕົວເອງເພາະສ້າງຈາກ “ແຮ່ເງິນ (silver)” 

ຫຼຽນເງິນຂອງໂຣມັນໄດ້ຖືກຈັບຈ່າຍໃຊ້ສອຍຢ່າງສະດວກສະບາຍ ແລະ ຍິ່ງອານາຈັກໂຣມັນເຂັມແຂງ ແຜ່ຂະຫຍາຍອອກໄປໄດ້ເທົ່າໃດ ເສດຖະກິດຂອງໂຣມັນກໍຍິ່ງເຕີບໃຫຍ່ຫຼາຍຂຶ້ນເທົ່ານັ້ນ. ດັ່ງນັ້ນ, ຈະສ້າງຫຼຽນເງິນຂອງຕົນເອງອອກມາເທົ່າໃດ ກໍບໍ່ເຮັດໃຫ້ເກີດປັນຫາເງິນເຟີ້. 

ຈົນມາເຖິງຊ່ວງປະມານ ຄ.ສ ທີ 2 ກໍ່ໄດ້ເກີດການແຜ່ລະບາດຂອງໂລກໄຂ້ຫວັດໃຫຍ່ຄັ້ງໃຫຍ່ຂຶ້ນ, ຖືເປັນການແຜ່ລະບາດໃໝ່ຄັ້ງທໍາອິດທີ່ຮູ້ຈັກ ແລະ ຖືກບັນທຶກໄວ້ ເອີ້ນວ່າ “The Antoine Plague” 

ການລະບາດຄັ້ງນີ້ ຂ້າຊີວິດຂອງປະຊາຊົນຊາວໂຣມັນໄປຈໍານວນຫຼາຍ ເຮັດໃຫ້ຫຼັງຈາກນັ້ນ ຄ່າຈ້າງແຮງງານຊາວໂຣມັນກໍເພີ່ມຂຶ້ນຢ່າງຫຼາຍເທົ່າຕົວ ສົ່ງຜົນຢ່າງຕໍ່ເນື່ອງເຮັດໃຫ້ລາຄາສິນຄ້າເພີ່ມຂຶ້ນເປັນສອງເທົ່າຈາກຊ່ວງກ່ອນການລະບາດ.  

ດ້ວຍຄວາມບໍ່ເຂົ້າໃຈຕໍ່ການເງິນ ແລະ ເສດຖະກິດຂອງຄົນຍຸກນັ້ນ ການເເກ້ໄຂບັນຫາໂດຍແທນທີ່ພວກເຂົາແກ້ໂດຍການຫຼຸດປະລິມານຂອງຫຼຽນຢູ່ໃນລະບົບ ເພື່ອໃຫ້ຄົນຈ່າຍກັນໜ້ອຍລົງ ແລະ ເຮັດໃຫ້ລະດັບສິນຄ້າປັບລົງມາ ເເຕ່ພວກເຂົາກັບເຮັດໃນທາງກົງກັນຂ້າມ, ພວກເຂົາຜະລິດຫຼຽນອອກມາເພິ່ມ ໂດຍການຫຼຸດປະລິມານແຮ່ເງິນໃນການຜະລິດຫຼຽນ ໂດຍມີຄວາມຄິດທີ່ວ່າເມື່ອຜະລິດເງິນອອກຫຼາຍກໍຈະຊື້ ເເລະ ຈ້າງງານໄດ້ຊໍ່າເກົ່າ. 

ເມື່ອເປັນເເບບນີ້ຜົນລັບທີ່ອອກມາກໍຢ່າງທີ່ຮູ້ ຍິ່ງຫຼຽນຖືກຜະລິດຂຶ້ນຫຼາຍເທົ່າໃດ ເງິນກໍຈະຍິ່ງເຟິ້ສູງຂຶ້ນ ເເລະ ໃນການຜະລິດຍັງໃຊ້ໂລຫະທີ່ມູນຄ່າຕໍ່າກວ່າເເຮ່ເງິນອີກ ເຮັດໃຫ້ມູນຄ່າໃນຫຼຽນເງິນຫຼຸດລົງໄປ ຜູ້ຄົນເລິ່ມບໍ່ເຊື່ອໝັ້ນໃນຫຼຽນໂຣມັນ. ໂດຍມີການປະນາມກັນວ່າ ຊ່ວງປີ ຄ.ສ 200-300 ເງິນເຟີ້ໃນໂຣມັນຂຶ້ນສູງເຖິງລະດັບ 15,000% 

ໃນຊ່ວງປີ ຄ.ສ 250 ທາງລັດຖະບານກໍຮັບຮູ້ກ່ຽວກັບບັນຫາເງິນເຟີ້ ເເລະ ກໍພະຍາຍາມເເກ້ໄຂ, ດ້ວຍຄວາມບໍ່ເຂົ້າໃຈທີ່ດີພໍ ສິ່ງທີ່ພວກເຂົາເຮັດຄືພະຍາຍາມຄວບຄຸບລາຄາຂອງສິນຄ້າ ໃນຕະຫຼາດແທນທີ່ຈະຫຼຸດປະລິມານຂອງເງິນໃນລະບົບລົງ. ເຮັດໃຫ້ປະຊາຊົນໜີໄປຫາສິນຄ້າໃນຕະຫຼາດມືດແທນ ເຊິ່ງກໍເປັນການຊໍ້າເຕີມບັນຫາເງິນເຟີ້ຈາກບໍ່ດີຢູ່ແລ້ວ ຈົນເຖິງວິກິດຂັ້ນໃຫຍ່ທີ່ສຸດ ແລະ ເມື່ອພວກເຂົາຖືກບຸກຮຸກຮານຈາກພາຍນອກ ເງິນເຟີ້ທີ່ສູງຂຶ້ນກໍ່ເປັນສ່ວນເຮັດໃຫ້ແພ້ສົງຄາມ. ເນື່ອງຈາກລັດຖະບານບໍ່ມີເງິນໄປຈ້າງທະຫານມາຊ່ວຍສູ້ຮົບ ແລະ ກໍບໍ່ມີເງິນໃຊ້ເພື່ອສະໜັບສະໝູນສົງຄາມແລ້ວ. 

ທີ່ມາ : https://cutt.ly/601UW1j 

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

Bitcoin #bitqik #bitqikacademy #Cryptocurrency #Blockchain