ເຄີຍບໍ່? ຢາກເທຣດ Crypto ເເຕ່ບໍ່ມີເວລາເຝົ້າໜ້າຈໍ, ກົດຄໍາສັ່ງຊື້ຂາຍບໍ່ທັນ ຍ້ອນຮຸ້ນຜັນຜວນກະທັນຫັນ. ໃນມື້ນີເຮົາຈະມາເເນະນຳໂປຣເເກຣມຊ່ວຍເທຣດອັດຕະໂນມັດສຳລັບມືໃໝ່ ທີ່ຈະຊ່ວຍໃຫ້ທ່ານສະດວກສະບາຍຂຶ້ນໃນການເທຣດເຖິງເເມ່ນວ່າຈະບໍ່ໄດ້ຢູ່ໜ້າຈໍຕະຫຼອດເວລາ ເເລະ ຍັງມີຄຳສັ່ງກຳນົດດ້ວຍຕົວທ່ານເອງເພື່ອຊ່ວຍໃຫ້ການຊື້ຂາຍໃນຊ່ວງທີ່ຕ້ອງການໄດ້ທັນເວລາ.

1. MetaTrader 4

MetaTrader 4 ຫຼື MT4 ເປັນແພລັດຟອມເທຣດຟຣີ ທີ່ມີມາຕັ້ງແຕ່ປີ 2005 ແລະ ເປັນແພລັຕຟອມໃນການເທຣດ Forex ທີ່ດີທີ່ສຸດ ແລະ ບໍ່ເສຍຄ່າ, ເປັນໂປຣເເກຣມທີ່ຂຽນໂດຍໃຊ້ພາສາ MQL4 ແລະ MQL5 ເຊິ່ງເປັນພາສາຂອງຄອມພິວເຕີ້, ນັກເທຣດສາມາດປັບເເຕ່ງ algorithms ໄດ້ດ້ວນຕົນເອງ.

ຈຸດຂາຍທີ່ໂດດເດັ່ນທີ່ສຸດຂອງໂປຣແກຣມ MT4 ແມ່ນການໃຊ້ Expert Advisory ຫຼື EA ເຊິ່ງເປັນໂປຣແກຣມທີ່ໃຊ້ໃນການຊື້ຂາຍແບບອັດຕະໂນມັດທີ່ມີລະບົບ bot-like (Bot) ທີ່ຈະເທຣດແທນນັກເທຣດເດີ, ໂດຍ EA ເເຕ່ລະຕົວຈະຖືກອອກແບບມາເພື່ອຕອບສະໜອງຄວາມຕ້ອງ​ການ​ຂອງ​ທັງ​ນັກ​ເທຣດມືໃໝ່​ ​ແລະ ​ນັກເທຣດມື​ອາ​ຊີບ​​.

MT4 ຍັງມີເຄື່ອງມືດ້ານວິຊາການ ເປັນເຄື່ອງມືທີ່ຊ່ວຍວິເຄາະກຣາຟ ເເລະ ມີການອັບເດດເຄື່ອງມືໃໝ່ໆຢູ່ຕະຫຼອດເວລາ. ຍັງມີວິດີໂອສອນການເທຣດ, ບົດຄວາມ, ບົດຮຽນ ແລະ ເນື້ອຫາຕ່າງໆ ໃຫ້ການສຶກສາຟຣີຢູ່ໃນເວັບໄຊທ໌.

• Interactive Brokers

Interactive Brokers ເປັນແພລັດຟອມເທຣດອອນໄລນ໌ທີ່ໃຊ້ໂດຍງານໂດຍນັກເທຣດຫຼາຍກວ່າ 30 ປະເທດທົ່ວໂລກ. ມີເນື້ອໃນການສອນເທຣດ ແລະ ກົນລະຍຸດການເທຣດໃຫ້ຕິດຕາມຢູ່ໃນເເພລັດຟອມ Traders University ທີ່ສໍາຄັນໂປຣເເກຣມຍັງມາພ້ອມກັບລະບົບ API ທີ່ຊ່ວຍໃຫ້ນັກເທຣດສາມາດເຊື່ອມຕໍ່ກັບເຄື່ອງມືເທຣດອື່ນໆ, ແຕ່ນັກເທຣດມືໃໝ່ອາດຈະຍັງບໍ່ຕ້ອງການເຄື່ອງມືຫຼາຍຈົນເກີນໄປ.

• Zen Trading Strategies

ນັກເທຣດສາມາດທົດສອບກົນລະຍຸດເທຣດຕ່າງໆໄດ້ໃນເເພລັດຟອມ Zen ແລະ ເເພລັດຟອມນີ້ຍັງສະເໜີແນວຄິດກ່ຽວກັບກົນລະຍຸດໃນການເທຣດ ແລະ ເທັກນິກຕ່າງໆໃຫ້ນັກເທຣດສາມາດເລືອກໃຊ້, ມີຄໍາສັ່ງໃນການກໍານົດStop loss ແລະ ຄໍາສັ່ງການກັ່ນຕອງຕ່າງໆສໍາລັບການເທຣດ. ແຕ່ໜ້າເສຍດາຍ, ທີ່ໂປຣເເກຣມນີ້ສາມາດໃຊ້ໄດ້ຟຣີພຽງແຕ່ໜຶ່ງອາທິດເທົ່ານັ້ນ ຖ້າ​ຫາກ​ວ່າ​ທ່ານ​ພໍ​ໃຈ​ກັບ​ການ​ນໍາ​ໃຊ້​ໂປຣເເກຣມ​ດັ່ງ​ກ່າວ​ ທ່ານຈະຕ້ອງຈ່າຍຄ່າເງິນເພິ່ມເຕີມ ເຊິ່ງແນ່ນອນວ່າຈະມີເຄື່ອງມືການເທຣດ ແລະ ຂໍ້ມູນຕ່າງໆ ທີ່ເປັນປະໂຫຍດສໍາລັບການເທຣດຂອງທ່ານໃຫ້ເລືອກໃຊ້ຂ້ອນຂ້າງຫຼາຍເລີຍ.

ນອກຈາກທີ່ກ່າວມາເເເລ້ວ ກໍຍັງມີອີກຫຼາຍໂປຣເເກຣມໃຫ້ທ່ານເລືອກໃຊ້ເພື່ອຄວາມສະດວກສະບາຍ ເເລະ ຫຼຸດຜ່ອນຄວາມເສຍຫາຍໃນການເທຣດຫຼາຍຂຶ້ນ.

ທີ່ມາ : https://cutt.ly/x9cn0Gu