ໃນປັດຈຸບັນ, cryptocurrencies ມັນມີທຶນໃນຕະຫຼາດປະມານ 300 ຕື້ໂດລາ ແລະ ມັນມີທ່າແຮງທີ່ຈະບັນລຸ 10 ພັນຕື້ໂດລາໃນອະນາຄົດ, ມີ cryptocurrencies ຫຼາຍກ່ວາ 1,500 ລາຍການ ແລະ ຈໍານວນຂອງ tokens crypto ບໍ່ມີທີ່ສິ້ນສຸດ. ມື້ນີ້ເຮົາຈະມາວິເຄາວ່າຕະຫຼາດ crypto ມີຫຍັງໜ້າສົນໃຈຫຼາຍກວ່າຕະຫຼາດຮຸ້ນ?

• ຄວາມຜັນຜວນຂອງຕະຫຼາດ crypto ເເລະ ຕະຫຼາດຮຸ້ນ

ຄວາມຜັນຜວນຂອງ crypto ເເລະ ຮຸ້ນມີພື້ນຖານດຽວກັນຄືອຸປະສົງ ເເລະອຸປະທານ ສິ່ງທີ່ແຕກຕ່າງກັນກໍຄື ເຫດຜົນທີ່ສົ່ງຜົນໃຫ້ເກີດການປ່ຽນເເປງຂອງອຸປະສົງ ເເລະ ອຸປະທານດັ່ງກ່າວ.

ຜູ້ທີ່ລົງທຶນໃນຮຸ້ນຈະເບິ່ງວ່າ ມີບໍລິສັດທີ່ອອກຫຸ້ນມາມີຄວາມໝັ້ນຄົງ ເເລະ ມີເເນວໂນ້ມຈະສ້າງລາຍໄດ້ຫຼາຍເທົ່າໃດ. ແຕ່ສໍາລັບສະກຸນເງິນດິຈິຕອລ ນັກລົງທຶນຈະພິຈາລະນາເຖິງການນໍາໃຊ້ຕົວຈິງໃນຊີວິດປະຈໍາວັນຫຼາຍກວ່າ, ພວກເຮົາມັກຈະເຫັນຄໍາສັບໃນໂລກ Crypto ຕະຫຼອດນັ້ນກໍຄື ລະບົບນິເວດ (Ecosystem) ຄໍານີ້ມີຄວາມຫມາຍເລິກເຊິ່ງ, ຄືກັນກັບອົງການຈັດຕັ້ງທີ່ມີໜ່ວຍງານຕ່າງໆປະກອບຮ່ວມກັນ ແລະ ເຮັດວຽກຮ່ວມກັນ. ການສ້າງລະບົບນິເວດ Crypto ໃຫ້ເຂັ້ມແຂງແມ່ນເລີ່ມຕົ້ນດ້ວຍເຄືອຂ່າຍ Blockchain, ຫຼັງຈາກນັ້ນແອັບພລິເຄຊັນທີ່ມີການກະຈາຍອໍານາດ(Dapps), platform ການເງິນແບບກະຈາຍສູນ(DeFi) ຫຼື ເກມເເບບກະຈາຍສູນ(GameFi) ແລະອື່ນໆ.

ຍິ່ງລະບົບນິເວດທີ່ໃຫຍ່ ແລະ ເຂັ້ມແຂງເທົ່າໃດ ຫຼຽນ ຫຼື tokens ຕ່າງໆ ທີ່ຢູ່ໃນລະບົບຈະເປັນທີ່ນິຍົມ ຊຸກດັນອຸປະສົງໃຫ້ເໜືອກວ່າອຸປະທານ ເເລະ ສົ່ງຜົນໃຫ້ລາຄາຫຼຽນ ຫຼື ໂທເຄັນເພີ່ມຂຶ້ນ.

• ຂໍ້ດີ – ຂໍ້ເສຍ ຂອງຕະຫຼາດ crypto
• ຂໍ້ດີຄື ມີການໃຊ້ເງິນລົງທຶນທີ່ຕໍ່າກວ່າຕະຫຼາດຮຸ້ນ ເເລະ ເຂົ້າເຖິງໄດ້ງ່າຍ, ສາມາດເເລກປ່ຽນຊື້ຂາຍໄດ້ຕະຫຼອດເວລາເເບບບໍ່ມີວັນຫຍຸດ,ມີອັດຕາການຂະຫຍາຍຕົວສູງ ເເລະ ມີເເນວໂນ້ມເຕີບໂຕຢ່າງຕໍ່ເນື່ອງ.
• ຂໍ້ເສຍ ມີການຜັນຜວນໃນຕະຫຼາດຢູ່ຕະຫຼອດເວລາ, ມີຫຼຽນໃໝ່ເກີດຂຶ້ນຢູ່ທຸກມື້ສົ່ງຜົນໃຫ້ມີຄວາມສ່ຽງສູງສຳລັບນັກລົງທຶນໜ້າໃໝ່, ຍັງບໍ່ມີກົດໝາຍຄຸ້ມຄອງຢ່າງຊັດເຈນ ເເລະ ບາງປະເທດຍັງບໍ່ມີການຢອມຮັບກ່ຽວກັບສະກຸນເງີນນີ້

• ຂໍ້ດີ – ຂໍ້ເສຍ ຂອງຕະຫຼາດຮຸ້ນ
• ຂໍ້ດີ ມີຄວາມໝັ້ນຄົງສູງກວ່າເນື່ອງຈາກມີປະຫວັດມາຍາວນານ, ຫຸ້ນບາງຕົວໄດ້ຮັບເງິນປັນຜົນ, ມູນຄ່າຂອງທຸລະກິດເຂົ້າເຖິງກຸ່ມນັກລົງທຶນຫຼາຍກວ່າ, ມີກົດໝາຍຄວບຄຸມຢ່າງຊັດເຈນ ເເລະ ຖືກຍອມຮັບຈາກທາງການ.
• ຂໍ້ເສຍ ໃຊ້ເງິນລົງທຶນເລີ່ມຕົ້ນທີ່ຄ່ອນຂ້າງສູງ ສ່ວນໃຫຍ່ມີອັດຕາການເຕີບໂຕທີ່ນ້ອຍກວ່າ Cryptocurrency, ຕະຫຼາດເເລກປ່ຽນບໍ່ໄດ້ເປີດຕະຫຼອດເວລາ ເເລະ ມີມື້ພັກການ, ຫາກບໍລິສັດລົ້ມລະລາຍຜູ້ຖືຮຸ້ນຈະໄດ້ຮັບເງີນເປັນອັນດັບສຸດທ້າຍ.

ຈາກບົດຄວາມທີ່ກ່າວມາຂ້າງເທິງນັ້ນອາດຈະບໍ່ສາມາດເວົ້າໄດ້ວ່າຕະຫຼາດ crypto ມີຄວາມໜ້າສົນໃຈຫຼາຍກວ່າຕະຫຼາດຮຸ້ນໄດ້, ທັ້ງນີ້ກໍເເລ້ວເເຕ່ເຮົາມັກຈະລົງທຶນໃນສິ່ງໃດ ທຸກໆການລົງທຶນມີທັງຂໍ້ດີ ເເລະ ເສຍ ເພາະສະນັ້ນຄວນສຶກສາໃຫ້ລະອຽດກ່ອນທີ່ຈະລົງທຶນ.

ທີ່ມາ :  https://cutt.ly/h17AKFa