ໄພເງິນເຟີ້ທີ່ຮຸນແຮງ ການລົ້ມລະລາຍຂອງລະບົບທະນາຄານທ້ອງຖິ່ນ ແລະສະກຸນເງີນທີ່ອ່ອນຄ່າລົງ, ນີ້ໄດ້ກະຕຸ້ນໃຫ້ຊາວເລບານອນຈໍານວນຫຼາຍຫັນມາເພິ່ງພາ cryptocurrencies ຊຶ່ງລວມທັງຫຼຽນ Stablecoin ຫຼາຍຂຶ້ນ.

ຍ້ອນຫຍັງທີ່ເຮັດໃຫ້ເກີດການລົ້ມລະລາຍ

ເລ​ບາ​ນອນ, ຖື​ວ່າ​ເປັນ​ໜຶ່ງ​ໃນ​ບັນດາ​ປະ​ເທດ​ພັດທະນາ​ທີ່​ສຸດ​ໃນ​ຕາ​ເວັນ​ອອກ​ກາງ​ກ່ອນ​ປີ 1970, ປະຈຸ​ບັນ​ພວມ​ປະສົບ​ກັບ​ບັນຫາ​ເສດຖະກິດຫຼາຍປະການ, ໂດຍ GDP ຂອງ​ປະເທດ​ໄດ້​ຫຼຸດ​ລົງ 40% ​ຕັ້ງແຕ່​ປີ 2018, ອັດຕາ​ເງິນ​ເຟີ້ຢູ່​ປະມານ 160% ​ແລະ ມູນ​ຄ່າ​ຂອງສະກຸນເງິນ​ທ້ອງ​ຖິ່ນຫຼຸດ​ລົງ​ຫຼາຍ​ກ​​ວ່າ 90​%

ການລົ້ມລົງຂອງເສດຖະກິດຂອງເລບານອນໄດ້ເລີ່ມຕົ້ນໃນທ້າຍສະຕະວັດທີ່ຜ່ານມາ ເມື່ອສົງຄາມກາງເມືອງຄັ້ງໃຫຍ່ໄດ້ສັງຫານຫລາຍພັນຄົນ ແລະສັງຄົມທີ່ແຕກແຍກ. ນອກ​ເໜືອ​ໄປ​ຈາກ​ຄວາມ​ຂັດ​ແຍ່ງ​ພາຍ​ໃນ​ ປະ​ເທດ​ນີ້​ ຍັງໄດ້​ເກີດ​ຄວາມ​ຂັດ​ແຍ່ງ​ກັບ​ກອງທັບ​ອິສຣາ​ແອ​ລຢູ່ຫຼາຍ​ຄັ້ງ.

ອະດີດ​ນາຍົກລັດຖະມົນຕີ Rafic Hariri ​ໄດ້​ຖືກ​ລອບ​ສັງຫານ​ໃນ​ການ​ວາງ​ລະ​ເບີດ​ລົດ​ຍົນ​ໃນ​ປີ 2005 ​ແລະ​ບຸກຄົນສຳຄັນທາງການ​ເມືອງ​ກ່າວ​ຫາວ່າ​ຊີ​ເຣຍ, ສິ່ງນີ້ເຮັດໃຫ້ເກີດສົງຄາມອີກ. ຍ້ອນ​ຄວາມ​ຮຸນ​ແຮງ​ຢູ່​ໃນ​ພື້ນທີ່​ດັ່ງກ່າວ, ຈຶ່ງບໍ່​ແປກ​ໃຈເລີຍ​ທີ່ຈະ​ມີ​ການ​ອົບ​ພະຍົບ​ຄັ້ງໃຫຍ່​ເກີດ​ຂຶ້ນ. ຈາກ​ສະ​ຖິ​ຕິເຫັນວ່າ ຊາວເລບານອນຫຼາຍກວ່າ 14 ລ້ານຄົນ ອາ​ໃສ​ຢູ່​ນອກ​ບ້ານ​ເກີດ​ຂອງ​ເຂົາ​​(ຫຼາຍກວ່າສອງ​ເທົ່າ​ຂອງ​ປະ​ຊາ​ກອນ​ເລ​ບາ​ນອນ​)

ຫັນມາເພິ່ງ Crypto

ຊາວ​ເລ​ບາ​ນອນ​ທີ່​ບໍ່​ໄດ້​ອົບ​ພະ​ຍົບ​ອອກ​ຈາກ​ປະ​ເທດກຳລັງ​ຊອກ​ຫາ​ທາງ​ເລືອກ​ເພື່ອ​ຮັກສາ​ຄວາມ​ຮັ່ງມີ​ຂອງ​ຕົນ.

Georgio Abou Gebrael 27 ປີ, ກ່າວວ່າລາວໄດ້ຮູ້ຈັກກ່ຽວກັບ Bitcoin ຄັ້ງທໍາອິດໃນປີ 2016 ແລະຄິດວ່າມັນເປັນ Scam ໃນຂະນະທີ່ເກີດການລົ້ມລະລາຍທາງດ້ານເສດຖະກິດຂອງເລບານອນຮຸນເເຮງຂຶ້ນ ລາວປ່ຽນໃຈແລະເລີ່ມເຫັນວ່າ Bitcoin ເປັນຫົນທາງວິທີການໃນການຢູ່ລອດ.

Gebrael ເປັນສະຖາປະນິກ ໄດ້ຕົກງານໃນປີ 2020 ແລະບໍ່ສາມາດຖອນເງິນເງິນຝາກປະຢັດຂອງລາວໄດ້ ເນື່ອງຈາກວ່າທຸກສະຖາບັນການເງິນໃນປະເທດຫ້າມການເຮັດທຸລະກໍາດັ່ງກ່າວ.

ໂຊກດີສໍາລັບລາວ ລາວໄດ້ຕິດຕໍ່ກັບນາຍຈ້າງທີ່ເຕັມໃຈທີ່ຈະຈ່າຍເງິນໃຫ້ລາວເປັນ Bitcoin. ໂດຍວຽກທໍາອິດຂອງລາວແມ່ນການຖ່າຍໂຄສະນາຢາງລົດ, ແລະລາວໄດ້ຮັບ BTC ມູນຄ່າ 5 ໂດລາ ເປັນຄ່າຈ້າງຂອງລາວ. ເຖິງວ່າຈະມີຈໍານວນໜ້ອຍ, Gebrael ເຫັນວ່າທະນາຄານບໍ່ສາມາດແຊກແຊງແລະຂັດຂວາງເງິນຂອງລາວໄດ້. ມື້ນີ້ລາວຍອມຮັບ Bitcoin ໃນທຸກໆວຽກທີ່ລາວເຮັດ ໂດຍອ້າງວ່າຊັບສິນນີ້ໄດ້ກາຍເປັນທະນາຄານຂອງລາວແລ້ວ:

“Bitcoin ໃຫ້ຄວາມຫວັງແກ່ພວກເຮົາ ຂ້ອຍເກີດຢູ່ໃນປະເທດນີ້ ຂ້ອຍໄດ້ອາໄສຢູ່ນີ້ມາຕະຫຼອດຊີວິດຂອງຂ້ອຍແລະ bitcoin ໄດ້ຊ່ວຍໃຫ້ຂ້ອຍຢູ່ນີ້ຕໍ່”

Ray Hindi, ຫົວຫນ້າບໍລິຫານຂອງ L1 Digital AG, ເວົ້າກ່ຽວກັບເລື່ອງນີ້ເຊັ່ນດຽວກັນ. ເຂົາເກີດແລະເຕີບໃຫຍ່ຢູ່ໃນເລບານອນແຕ່ໄດ້ອອກຈາກປະເທດໃນອາຍຸ 19 ປີ:
“ສະຖານະການບໍ່ມີການປ່ຽນແປງຢ່າງແທ້ຈິງນັບຕັ້ງແຕ່ 2019, ທະນາຄານມີການຖອນເງິນຈໍາກັດ ແລະເງິນຝາກເຫຼົ່ານັ້ນກາຍເປັນ IOUs.”

Tether ຍັງເປັນທີ່ນິຍົມ

ເງິນ crypto ອີກອັນໜຶ່ງທີ່ເປັນທີ່ນິຍົມກັນຫຼາຍໃນເລບານອນແມ່ນ Tether (USDT), ເຊິ່ງເປັນຫຼຽນ stablecoin ຊັ້ນນໍາຂອງໂລກທີ່ໃສ່ເປັນເງິນໂດລາສະຫະລັດ ແລະໄດ້ຮັບການສະໜັບສະໜູນ 100% ໂດຍຄັງສຳຮອງ Tether, ຊຶ່ງມີຄວາມຕ້ອງການສໍາລັບ token ແມ່ນສູງຫຼາຍ ຈົນເຮັດໃຫ້ນັກທຸລະກິດທ້ອງຖິ່ງຫຼາຍຄົນຫັນມາຮັບຊຳລະເງີນດ້ວຍ USDT (ເຖິງແມ່ນວ່າມັນຖືກຫ້າມພາຍໃຕ້ກົດຫມາຍ Lebanese).

“ການນໍາໃຊ້ USDT ແມ່ນໄດ້ແຜ່ຫຼາຍ, ມີຮ້ານກາເຟ, ຮ້ານອາຫານແລະຮ້ານຂາຍເຄື່ອງໄຟຟ້າຫຼາຍແຫ່ງທີ່ຍອມຮັບການຊໍາລະເງິນດ້ວຍ USDT. ມັນຈະສະດວກຫຼາຍຖ້າຂ້ອຍບໍ່ຕ້ອງໃຊ້ເງິນ fiat, ແຕ່ມາຈາກເງິນຝາກປະຢັດໃນ Bitcoin ຂອງຂ້ອຍ, ເຊິ່ງລັດຖະບານມີບັນຫາໃຫຍ່ກວ່ານີ້ ແທນທີ່ຈະກັງວົນກ່ຽວກັບບາງຮ້ານທີ່ຍອມຮັບສະກຸນເງິນ crypto,” Gebrael ອະທິບາຍ.

Abu Daher ຍັງໃຊ້ USDT ເພື່ອຈ່າຍຄ່າເຄື່ອງຈັກທີ່ນໍາເຂົ້າ. ຢ່າງໃດກໍຕາມ, ລາວຕ້ອງເຮັດທຸລະກໍາຫຼາຍຢ່າງເປັນສະກຸນເງິນປອນຂອງເລບານອນ, ເຊັ່ນ: ໄຟຟ້າ, ອິນເຕີເນັດແລະຄ່າເຊົ່າ.

ທີ່ມາ : https://cutt.ly/JN5X1of

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain