ເປັນທີ່ຮູ້ຈັກດີວ່າຕະຫຼາດຮຸ້ນ ແລະ crypto ໃນປັດຈຸບັນໄດ້ປະເຊີນກັບຄວາມຜັນຜວນຢ່າງຮຸນແຮງ ແລະ ຕໍ່ເນື່ອງຍ້ອນ​ການ​ປ່ຽນ​ແປງ​ຂອງ​ເສດຖະກິດ, ນອກຈາກນີ້່ຍັງມີເເນວໂນ້ມຈະເກີດສະພາວະເສດຖະກິດຖົດຖອຍ(Recession). ຖ້າສະຖານະການດັ່ງກ່າວເກີດຂື້ນ, ມັນຈະສົ່ງຜົນກະທົບຕໍ່ຕະຫຼາດ crypto ແນວໃດ? ມື້ນີ້ພວກເຮົາມີບົດຄວາມກ່ຽວກັບເສດຖະກິດຖົດຖອຍມາໃຫ້ທຸກຄົນໄດ້ອ່ານກັນ!

• ສະພາວະເສດຖະກິດຖົດຖອຍ(Recession) ເເມ່ນຫຍັງ ?

ພາວະການຖົດຖອຍແມ່ນເວລາທີ່ອັດຕາການເຕີບໂຕທາງດ້ານເສດຖະກິດຂອງປະເທດໃດໜຶ່ງຕິດລົບສອງໄຕມາດຕິດຕໍ່ກັນ ຫຼື ບາງຄັ້ງ GDP ອາດຈະບໍ່ຕິດລົບຕິດຕໍ່ກັນ ແຕ່ມີການຫຼຸດລົງຢ່າງຮຸນແຮງ, ຂະຫຍາຍເປັນວົງກວ້າງ ແລະ ແກ່ຍາວເປັນເວລາດົນ.

ການເຕີບໂຕທາງເສດຖະກິດທີ່ຊ້າ ກິດ​ຈະ​ກໍາ​ເສດ​ຖະ​ກິດ​ຫຼຸດ​ລົງ​ ທັງດ້ານ​ການ​ຜະ​ລິດ ​ແລະ ​ລາຍ​ຈ່າຍ. ລວມທັງການລົງທຶນ ສົ່ງ​ຜົນ​ໃຫ້​ມີ​ການ​ຈ້າງ​ງານ​ໜ້ອຍ​,ອັດຕາການຫວ່າງງານທີ່ສູງຂຶ້ນ, ສະຖານະການເຫຼົ່ານີ້ ອາດຈະເປັນສັນຍານຂອງພາວະການຖົດຖອຍ. ບາງຄັ້ງເງື່ອນໄຂນີ້ສາມາດຖືກກໍານົດເປັນໄລຍະເວລາຂອງອັດຕາເງິນເຟີ້ ລວມກັບການຫຼຸດລົງຂອງ GDP.

• ໃນປີ 2022 ໂລກ​ມີ​ຄວາມ​ສ່ຽງ​ຈະ​ປະສົບ​ກັບ​ສະພາບ​ເສດຖະກິດ​ຖົດ​ຖອຍ

ສົງຄາມລັດເຊຍ-ຢູເຄຣນ ສົ່ງຜົນໃຫ້ລາຄາສິນຄ້າທົ່ວໂລກເພີ່ມຂຶ້ນ ​ແລະ ​ເຮັດ​ໃຫ້​ອັດຕາ​ເງິນ​ເຟີ້​ສູງ​ຂຶ້ນ. ນອກຈາກນັ້ນ, ອັດຕາເງິນເຟີ້ໃນສະຫະລັດຍັງຄົງຢູ່ໃນລະດັບສູງສຸດໃນຮອບ 40 ປີ, ຈົນ FED ຕ້ອງອອກນະໂຍບາຍການເພີ່ມອັດຕາດອກເບ້ຍຈົນເຮັດໃຫ້ເກີດມີຄວາມສ່ຽງຕໍ່ສະພາວະການຖົດຖອຍຂອງເສດຖະກິດ. ອີກສາເຫດໜຶ່ງທີ່ສົ່ງຜົນກະທົບຢ່າງໃຫຍ່ຫຼວງຕໍ່ສະພາບເສດຖະກິດກໍຄືເສດຖະກິດຂອງ 3 ປະເທດມະຫາອຳນາດຄື: ສະຫະລັດ, ເອີຣົບ ແລະ ຈີນ ເຊິ່ງມີ GDP ຮ່ວມກັນ 2 ໃນ 3 ຂອງ GDP ໂລກ ໄດ້ມີການເຕີບໂຕຊ້າລົງພ້ອມກັນໃນປີນີ້.

• ສະພາວະເສດຖະກິດຖົດຖອຍເປັນສິ່ງຈຳເປັນທີ່ນັກລົງທຶນ Crypto ຄວນຮູ້

ໃນ​ໂລກ​ເສດ​ຖະ​ກິດ​ມີ​ການ​ເຊື່ອມ​ຕໍ່​ເຖິງກັນທັງໝົດ​ ເພາະກະແສເງິນຈະໄຫຼຈາກບ່ອນໜຶ່ງໄປຫາອີກບ່ອນໜຶ່ງຢູ່ສະເໝີ. ດັ່ງນັ້ນ, ຖ້າມີເສດຖະກິດຖົດຖອຍ ຕະຫຼາດ crypto ອາດຈະໄດ້ຮັບຜົນກະທົບເຊັ່ນດຽວກັນ.

ເມື່ອເສດຖະກິດຕົກຕໍ່າ, ມີອັດຕາການຫວ່າງງານສູງຂຶ້ນ, ປະຊາຊົນມີເງິນໃຊ້ໜ້ອຍ, ຄວາມຕ້ອງການຫຼຸດລົງ, ອຸດສາຫະກໍາຈໍານວນຫຼາຍອາດຈະປິດ ແລະ ກິດຈະກໍາທາງເສດຖະກິດຫຼຸດລົງຢ່າງຫຼວງຫຼາຍ. ເຫຼົ່ານີ້ແມ່ນປັດໃຈທີ່ຈໍາເປັນທັງໝົດເພື່ອກໍານົດທິດທາງຂອງຕະຫຼາດ crypto, ນັກລົງທຶນຈໍາເປັນຕ້ອງຮູ້ ແລະ ເຂົ້າໃຈການພາວະຖົດຖອຍ. ເພື່ອຊ່ວຍຕັດສິນໃຈລົງທຶນ ປະເມີນ ແລະ ກະຈາຍຄວາມສ່ຽງຂອງການລົງທຶນຂອງຕົວທ່ານເອງ.

ເຖິງ​ແມ່ນ​ວ່າ​ພວກ​ເຮົາ​ຮູ້​ເຖິງ​ເເນວໂນ້ມທີ່ຈະເກີດ Recession, ແຕ່​ພວກ​ເຮົາ​ບໍ່​ສາ​ມາດ​ຮູ້​ວ່າ​ຜູ້​ຄົນ​ຈະ​ມີ​ປະ​ຕິ​ບັດ​ຕໍ່​ມັນ​ແນວ​ໃດ. ນັກລົງທຶນທົ່ວໂລກຈະເລືອກລົງທຶນແນວໃດ? ຫຼື ປະຊາຊົນຈະຕັດສິນໃຈຮັບເອົາຄວາມສ່ຽງເທົ່າໃດ? ແຕ່ສິ່ງໜຶ່ງທີ່ແນ່ນອນທີ່ສຸດ, ພວກເຮົາຕ້ອງດູແລຫຼັກຊັບຂອງຕົນເອງ, ຈັດສັນພອດຢ່າງເປັນລະບົບ, ກະຈາຍຄວາມສ່ຽງຢ່າງເໝາະສົມ ແລະ ຕິດຕາມຂ່າວສານຢູ່ຕະຫຼອດເວລາ.

ທີ່ມາ : https://cutt.ly/X0d110w

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

Bitcoin #bitqik #bitqikacademy #Cryptocurrency #Blockchain