ສະຖານະການຂອງເສດຖະກິດໂລກໃນຕອນນີ້, ຫຼາຍໆປະເທດກໍາລັງຟື້ນຕົວ ເຊິ່ງສິ່ງທີ່ຕາມມາຄືອັດຕາເງິນເຟີ້ສູງ ເຮັດໃຫ້ທະນາຄານຫຼາຍເເຫ່ງປັບອັດຕາດອກເບ້ຍຂຶ້ນ ເພື່ອສະລໍອັດຕາເງີນເຟີ້, ໂດຍຜົນກະທົບຈາກການປັບອັດຕາດອກເບ້ຍນະໂຍບາຍ ສົ່ງຜົນຕໍ່ລາຄາສິນຊັບທີ່ມີຄວາມສ່ຽງທົ່ວໂລກ ບໍ່ວ່າຈະເປັນຮຸ້ນ ຫຼື crypto ເເລະ ອື່ນໆ. ດັ່ງນັ້ນພວກເຮົາຕ້ອງໝັ່ນຕິດຕາມຂ່າວສານກ່ຽວກັບການປະຊຸມຂອງ FED ໃນເເຕ່ລະເດືອນ ເພື່ອຮັບມືປັບປ່ຽນການລົງທຶນໃຫ້ທັນກັບອັດຕາເງິນທີ່ເພີ່ມຂຶ້ນຫຼືອາດຈະຫຼຸດລົງ.

• ອັດຕາດອກເບ້ຍນະໂຍບາຍເເມ່ນຫຍັງ?

ອັດຕາດອກເບ້ຍນະໂຍບາຍ ແມ່ນອັດຕາທີ່ທະນາຄານກາງຈ່າຍດອກເບ້ຍໃຫ້ທະນາຄານການຄ້າທີ່ເອົາເງິນມາຝາກ ຫຼື ແມ່ນອັດຕາທີ່ທະນາຄານກາງເກັບດອກເບ້ຍຈາກທະນາຄານການຄ້າທີ່ມາກູ້ຢືມເງິນ, ອັດຕາດອກເບ້ຍນະໂຍບາຍຈະສົ່ງຜົນກະທົບຕໍ່ອັດຕາດອກເບ້ຍທີ່ທະນາຄານການຄ້າຄິດກັບລູກຄ້າທີ່ເປັນຜູ້ກູ້ຢືມ ຫຼື ຜູ້ຝາກເງິນຕໍ່ໆໄປ. ອັດຕາດອກເບ້ຍນະໂຍບາຍ ແມ່ນກໍານົດໂດຍທະນາຄານກາງຂອງແຕ່ລະປະເທດ. ມັນເປັນອັດຕາດອກເບ້ຍທີ່ສໍາຄັນທີ່ສຸດທີ່ມີຜົນກະທົບຕໍ່ອັດຕາດອກເບ້ຍອື່ນໆໃນເສດຖະກິດ.

• ເປັນຫຍັງຕ້ອງຂຶ້ນເບ້ຍນະໂຍບາຍເພື່ອໃຫ້ເສດຖະກິດສະລໍຕົວລົງ?

ການປັບອັດຕາດອກເບ້ຍນະໂຍບາຍຜົນກະທົບຕໍ່ການໃຊ້ຈ່າຍຂອງປະຊາຊົນ. ເຊິ່ງການໃຊ້ຈ່າຍສົ່ງຜົນກະທົບຕໍ່ລາຄາສິນຄ້າ ຫຼື ການບໍລິການໂດຍລວມ ຫຼື ທີ່ເອີ້ນວ່າອັດຕາເງິນເຟີ້ນັ້ນເອງ. ອັດຕາດອກເບ້ຍນະໂຍບາຍຈະມີຜົນກະທົບແນວໃດຕໍ່ພວກເຮົານັ້ນເເມ່ນຂຶ້ນກັບວ່າພວກເຮົາເປັນ “ຜູ້ກູ້ຢືມ” ຫຼື “ຜູ້ຝາກເງິນ”

ຖ້າອັດຕາດອກເບ້ຍປັບໜ້ອຍລົງ, ຫາກພວກເຮົາເປັນຜູ້ກູ້ຢືມ ດອກເບ້ຍທີ່ເຮົາຕ້ອງຈ່າຍຈະລົດລົງ. ແຕ່ຖ້າພວກເຮົາເປັນຜູ້ຝາກເງິນ ພວກເຮົາຈະໄດ້ຮັບດອກເບ້ຍເງິນຝາກໜ້ອຍລົງ.

ດັ່ງນັ້ນ, ເມື່ອອັດຕາດອກເບ້ຍປັບໜ້ອຍລົງ ພວກເຮົາມີແນວໂນ້ມທີ່ຈະກູ້ຢືມເພີ່ມຂຶ້ນເພາະອັດຕາດອກເບ້ຍໜ້ອຍ. ນອກຈາກນີ້, ພວກເຮົາມີເເນວໂນ້ມມັກຈະຝາກໜ້ອຍລົງ ແລະ ຈະໃຊ້ເງິນ ຫຼື ລົງທຶນຫຼາຍຂຶ້ນ.

ຖ້າພວກເຮົາເປັນເຈົ້າຂອງສິນຊັບເຊັ່ນ: ຫຼັກຊັບ ຫຼື ອະສັງຫາລິມະສັບ ແລະ ອື່ນໆ

ອັດຕາດອກເບ້ຍຈະຫຼຸດລົງເຮັດໃຫ້ຄວາມຮັ່ງມີຂອງພວກເຮົາເພີ່ມຂຶ້ນ. ເນື່ອງຈາກວ່າດອກເບ້ຍເງິນຝາກທີ່ຕ່ຳ, ເຮັດໃຫ້ປະຊາຊົນຫັນມາລົງທຶນໃນອະສັງຫາລິມະສັບອື່ນໆທີ່ຕອບເເທນສູງກວ່າ ເຊັ່ນ: ຫຸ້ນ ຫຼື ອະສັງຫາລິມະສັບ ເຮັດໃຫ້ລາຄາຫຸ້ນເເລະ ອະສັງຫາລິມະສັບເພິ່ມຂຶ້ນ. ດັ່ງນັ້ນ ຜູ້ຖືຊັບສິນຈຶ່ງຮັ່ງມີເພິ່ມຂຶ້ນ ເເລະ ມີເເນວໂນ້ມທີ່ຈະໃຊ້ຈ່າຍເພິ່ມຂຶ້ນ.

ສະຫຼຸບ ເມື່ອອັດຕາດອກເບ້ຍຫຼຸດລົງ ປະຊາຊົນໃຊ້ຈ່າຍຫຼາຍຂຶ້ນ, ກົງກັນຂ້າມ ເມື່ອອັດຕາດອກເບ້ຍເພີ່ມຂຶ້ນ, ປະຊາຊົນໃຊ້ຈ່າຍໜ້ອຍລົງ ການໃຊ້ຈ່າຍຂອງປະຊາຊົນຈະສົ່ງຜົນກະທົບຕໍ່ລາຄາສິນຄ້າ ແລະ ການບໍລິການ ອີງຕາມອຸປະສົງ ແລະ ອຸປະທານ.

ທີ່ມ : https://cutt.ly/Y0z6BBR

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

Bitcoin #bitqik #bitqikacademy #Cryptocurrency #Blockchain