ການເຂົ້າຊື້ Twitter ໂດຍມະຫາເສດຖີ Elon Musk ໄດ້ຮັບກະເເສຕອບຮັບຫຼາຍຈາກຊຸມຊົນ crypto ທົ່ວໂລກ, ເຮັດໃຫ້ມີການເວົ້າເຖິງກ່ຽວກັບການປ່ຽນເເປງນະໂຍບາຍຕ່າງໆເຊັ່ນ : ການເຊັນເຊີ, ການກວດສອບບັນຊີ ແລະການເປີດຕົວຄຸນນສົມບັດໃໝ່ເເນໃສ່ crypto ແລະ blockchain.

ຢ່າງໃດກໍຕາມ ການຕັດສິນໃຈຂອງ Changpeng Zhao CEO ຂອງ Binance ໃນການລົງທຶນ 500 ລ້ານໂດລາ ໃນສື່ສັງຄົມແມ່ນມີຄວາມໜ້າສົນໃຈຫຼາຍ.

ເມື່ຶອຮັບຮູ້ເຖິງກະເເສດັ່ງກ່າວ CZ ໄດ້ແບ່ງເປັນ 6 ເຫດຜົນວ່າເປັນຫຍັງລາວເລືອກທີ່ຈະສະໜັບສະໜູນ Twitter ແລະມັນມີຄວາມໝາຍແນວໃດຕໍ່ອະນາຄົດຂອງ Twitter.

ເຫດຜົນຫຼັກຂອງ CZ ທີ່ຈະລົງທຶນໃນ Twitter ແມ່ນ Free Speech ຫຼື ຄວາມອິດສະຫຼະໃນການເວົ້າ “ການ​ເວົ້າ​ເເບບອິດສະຫຼະ​ແມ່ນ​ພື້ນ​ຖານສຳລັບການມີອິດສະຫຼະໃນ​ການ​ໃຊ້​ຈ່າຍ​ເງິນ ເຊິ່ງເຮົາກຳລັງສ້າງໃຫ້ “

CZ ກ່າວ, ພ້ອມຍ້ຳເຖິງຄວາມສໍາຄັນຂອງ Twitter ໃນການຈັດຕຽມເເພັດຟອມທົ່ວໄປທີ່ຄົນທົ່ວໄປແລະບຸກຄົນສໍາຄັນສາມາດສະແດງຄວາມຄິດເຫັນໄດ້.

ເຫດຜົນທີສອງແມ່ນເພື່ອສະໜັບສະໜູນຜູ້ປະກອບການ, ໃນຄໍາເວົ້າຂອງ CZ ກ່າວໄວ້ວ່າ “ການທີ່ Elon ເປັນຜູ້ນຳ, ພວກເຮົາເຊື່ອວ່າ Twitter ຈະເຕີບໂຕຂະຫຍາຍຕົວແລະກາຍເປັນເເພລັດຟອມທີ່ມີຜົນກະທົບສໍາລັບທຸກຄົນ.”

CZ ລະບຸວ່າ “ມູນຄ່າມະຫາສານທີ່ບໍ່ໄດ້ໃຊ້” ເປັນເຫດຜົນທີສາມ, ຍ້ອນ ລາວເຊື່ອວ່າແພລັດຟອມ Media ສາມາດນໍາສະເໜີຮູບແບບທຸລະກິດທີ່ເປັນ ນະວັດຕະກໍາໂດຍບໍ່ຕ້ອງຂາຍຂໍ້ມູນຜູ້ໃຊ້. ດ້ວຍສັກກະຍະພາບທີ່ເຮັດວຽກຢູ່ເບຶ້ອງຫຼັງນີ້, CZ ສະເໜີໃຫ້ການຊ່ວຍເຫຼືອໃນການເຊື່ອມໂຍງ Twitter ເຂົ້າໄປໃນ Web3, ເຊິ່ງນັ້ນເປັນເຫດຜົນທີ 4 ຂອງລາວນໍາ.

ເຫດຜົນທີຫ້າ, ເປັນເລື່ອງສ່ວນຕົວສຳລັບ CZ ຍ້ອນວ່າ Twitter ມີຄວາມສໍາຄັນກັບ CZ. ມັນເປັນຊ່ອງທາງການສື່ສານທີ່ເປີດກວ້າງກັບພື້ນທີ່ Crypto ລວມທັງຜູ້ປະກອບການ, ນັກລົງທຶນ, ນັກຂ່າວແລະປະຊາຊົນທົ່ວໄປ.

CZ ຍັງເປີດເຜີຍວ່າເຫດຜົນທີ 6 ຂອງລາວທີ່ຄ້າຍຄືກັບ Musk ນັ້ນຄືການປ່ຽນແປງ Twitter ຊຶ່ງລວມທັງການກຳຈັດ bots, ເພີ່ມປຸ່ມແກ້ໄຂ ຈ່າຍຄ່າເຄື່ອງໝາຍສີຟ້າເພື່ອຢືນຢັນຕົວຕົນແລະຈ່າຍສໍາລັບຄໍາຄິດເຫັນໃນໂພສ

CEO Binance ເນັ້ນໜັກວ່າ Twitter ເປັນການລົງທຶນໃນໄລຍະຍາວແລະບໍ່ຖືກລົບກວນຈາກການຜັນຜວນຂອງຕະຫຼາດຮຸ້ນໃນໄລຍະສັ້ນເເລະສະພາວະຂອງຕະຫຼາດ

ທີ່ມາ : https://cutt.ly/vNMDgws