Elon Musk CEO ຂອງ Tesla ທີ່ໄດ້ປິດຂໍ້ຕົກລົງການຊື້ກິດຈະການຂອງ Twitter ໃນອາທິດທີ່ຜ່ານມາໄດ້ປະກາດທີ່ຈະແກ້ໄຂເເລ້ວ ຍັງເປັນການສະໜັບສະໜູນ Twitter ທາງດ້ານການເງິນ ແລະກໍາຈັດ bots ອີກດ້ວຍ.

ເມື່ອຫຼາຍຊົ່ວໂມງກ່ອນຫນ້ານີ້ ລາວໄດ້ tweeted ວ່າເຈົ້າຂອງບັນຊີ Twitter Blue ຈະຕ້ອງຈ່າຍຄ່າທໍານຽມປະຈໍາເດືອນໃນລາຄາ 8 ໂດລາ ຫຼື 139.453 ກີບຕໍ່ເດືອນ.

ກ່ອນໜ້ານີ້ Musk ກ່າວວ່າຄ່າທຳນຽມລາຍເດືອນຈະຕົກຢູ່ທີ່ປະມານ 20 ໂດລາຕໍ່ເດືອນໃນ tweet ຂອງລາວ. ແນວໃດກໍ່ຕາມ, ຜູ້ໃຊ້ທີ່ໄດ້ຮັບການຍືນຍັນຕົວຕົນແລ້ວຈຳນວນຫຼາຍໃນ Twitter ລວມເຖິງນັກປະພັນເລື່ອງສະຫຍອງຂວັນທີ່ຂາຍດີທີ່ສຸດຂອງສະຫະລັດຢ່າງ Stephen King ໄດ້ຄັດຄ້ານຕໍ່ກັບ​ຂໍ້​ສະ​ເໜີ​ນີ້​.

Elon Musk ໄດ້ຕອບກັບ tweet ຂອງ Stephen King ໃນເຊົ້າມື້ນີ້, ໂດຍໄດ້ອະທິບາຍວ່າ Twitter “ຈຳເປັນຕ້ອງການເກັບຄ່າໃຊ້ຈ່າຍບາງຢ່າງ” ແລະບໍ່ສາມາດອີງໃສ່ ຜູ້ລົງໂຄສະນາພຽງຢ່າງດຽວໄດ້. ເຊິ່ງລາວໄດ້ຖາມຜູ້ຂຽນວ່າ 8 ໂດລາແມ່ນເໝາະສົມເເລ້ວຫຼືບໍ?

ປັດຈຸບັນຄ່າທໍານຽມລາຍເດືອນຂອງ Twitter Blue ແມ່ນຢ່າງເປັນທາງການຢູ່ທີ່ 8 ໂດລາ. ຈົນເຖີງຕອນນີ້ Michael Saylor ຂອງ MicroStrategy ໄດ້ສະເເດງຄວາມຄິດ​ເຫັນ​ວ່າ “Bots ຈະບໍ່ມັກ” ຄ່າທໍານຽມລາຍເດືອນນີ້ ແລະ Musk ກໍບອກວ່າ “ແມ່ນແລ້ວ, ມັນຈະທໍາລາຍ bots.”

ລາວໄດ້ກ່າວຕື່ມວ່າ ຖ້າບັນຊີ Twitter Blue ເເບບເສຍຄ່າທຳນຽມຖືກພົບເຫັນວ່າມີສ່ວນຮ່ວມໃນກິດຈະກໍາ spam/scam, ບັນຊີນັ້ນຈະຖືກລະງັບໄວ້. ເຊິ່ງການຫລອກລວງ bots ເປັນບັນຫາໃນໄລຍະຍາວສໍາລັບຜູ້ໃຊ້ທີ່ໄດ້ຖືກຢືນຢັນຕົວຕົນເປັນຈໍານວນຫຼາຍ. ໂດຍສະເພາະສໍາລັບຜູ້ມີອິດທິພົນໃນວົງການ crypto ເຊັ່ນ CZ ຂອງ Binance, Brad Garlinghouse CEO ຂອງ Ripple ແລະ Elon Musk ຕົວຂອງເຂົາເອງ.

Musk ຍັງສັນຍາວ່າຈະມີລາງວັນສໍາລັບຜູ້ສ້າງເນື້ອຫາ ແຕ່ຍັງບໍ່ມີການກ່າວເຖິງ crypto ຫຼື DOGE ໃນປັດຈຸບັນ, ກົງກັນຂ້າມກັບຄວາມຄາດຫວັງຂອງຊຸມຊົນ Dogecoin.

ທີ່ມາ : https://cutt.ly/QNAfY9s

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain