ເຊື່ອໄດ້ວ່າໃນໄລຍະຫຼາຍປີ ທີ່ຜ່ານມາ ຫຼາຍຄົນທີ່ສຶກສາ ຫຼື ພົວພັນກັບ Cryptocurrency ກໍຕ້ອງຮູ້ຈັກເທັກໂນໂລຊີ ບລັອກເຊນ(Blockchain) ທີ່ວ່າກັນວ່າເປັນເທັກໂນໂລຊີຈັດເກັບຂໍ້ມູນທີ່ມີຄວາມປອດໄພສູງທີ່ສຸດໃນໂລກ. ເຊິ່ງເທັກໂນໂລຢີ Blockchain ນັ້ນກໍມີທັງ Public Blockchain ແລະ Private Blockchain. ເຊິ່ງມື້ນີ້ເຮົາຈະພາທຸກຄົນມາຮູ້ຈັກ Public Blockchain ວ່າມັນແມ່ນຫຍັງ ແລະ ມີຂໍ້ດີຂໍ້ເສຍແນວໃດ.         ກ່ອນທີ່ເຮົາຈະໄປຮູ້ຈັກວ່າ Public Blockchain ວ່າແມ່ນຫຍັງນັ້ເຮົາກໍຕ້ອງມາຮູ້ກ່ອນວ່າ Blockchain ແມ່ນຫຍັງ ແລະ ມັນເຮັດວຽກແນວໃດ. ເທັກໂນໂລຢີ Blockchain ອະທິບາຍງ່າຍໆກໍຄື ລະບົບຈັດເກັບຂໍ້ມູນ ທີ່ເຮັດວຽກແບບກະຈາຍສູນ ຫຼື ບໍ່ມີຕົວກາງ ຜ່ານເຄືອຄ່າຍຄອມພິວເຕີ.

ສຳລັບການເຮັດວຽກຂອງ Blockchain ນັ້ນ ຈະເຮັດວຽກຢູ່ເທີງເຄືອຄ່າຍ Peer-to-peer (P2P) ເຊິ່ງຮ່ວມກັນໃຊ້ protocol ດຽວກັນເພື່ອການສື່ສານລະຫວ່າງ Node ເມື່ອມີການເຮັດທຸລະກຳເກີດຂຶ້ນ ຖານຂໍ້ມູນກໍຈະຖືກແບ່ງປັນໃຫ້ກັບທຸກ Node ຫຼື ເຄື່ອງຄອມພິວເຕີ ໂດຍຈະບໍ່ມີເຄື່ອງໃດເຄື່ອງໜຶ່ງເຮັດວຽກເປັນສູນກາງ ແຕ່ທຸກໆ Node ຈະໄດ້ຮັບສຳເນົາຖານຂໍ້ມູນຂອງທຸກເຄື່ອງໃນເຄືອຄ່າຍຈະກົງກັນທັງໝົດ.

ສ່ວນ Public Blockchain ກໍຄືລະບົບ Blockchain ທີ່ເປີດເປັນສາທາລະນຳ ທີ່ອະນຸຍາດທຸກຄົນສາມາດເຂົ້າມາຮ່ວມບັນທຶກຂໍ້ມູນປະວັດຂອງການເຮັດທຸລະກຳດິຈິຕອລລົງໄປໄດ້. Public Blockchain ມັກຈະໃຊ້ສຳຫຼັບທູລະກຳທີ່ເປັນສາທາລະນະ ຊ່ວຍເພີ່ມຄວາມໂປ່ງໃສ ເພາະທຸກຄົນສາມາດເຫັນຄວາມປ່ຽນແປງໄດ້. ເຊິ່ງຕ່າງຈາກ Private Blockchain ທີ່ເປັນລະບົບ Blockchain ທີ່ໄວ້ໃຊ້ງານພຽງແຕ່ຢູ່ໃນອົງກອນ ບໍໄດ້ເປີດສາທາລະນະ ແຕ່ມີຂໍ້ດີກໍຄື ສາມາດຄວບຄຸມເຄືອຄ່າຍໄດ້ ກຳນົດຜູ້ໃຊ້ງານໄດ້ ແລະ ເຮັດທຸລະກຳໄດ້ໄວກວ່າ ແຕ່ອາດຈະບໍ່ມີຄວາມໂປ່ງໃສເທົ່າກັບ Public Blockchain ເນື່ອງຈາກມີການຈຳກັດການເຂົ້າເຖິງ ບໍ່ມີການກະຈາຍອຳນາດໃນການກວດສອບ.

        ສຳຫຼັບຂໍ້ດິຂອງ Public Blockchain ກໍຄື:

1. ມີຄວາມໂປ່ງໃສ

ເນື່ອງຈາກວ່າເປັນລະບົບທີ່ເປີດເປັນສາທາລະນະ ທຸກຄົນສາມາດເຂົ້າມາກວດສອບ ແລະ ຕິດຕາມຄວາມປ່ຽນແປງໄດ້ຕະຫຼອດເວລາ.

• ມີຄວາມຖືກຕ້ອງ ແລະ ໜ້າເຊື່ອຖືສູງ

ທຸກທຸລະກຳທີ່ເກີດຂຶ້ນເທີງ Blockchain ຈະຖືກບັນດາ Validator Nodes ຈຳນວນຫຼາຍຊ່ວຍກັນກວດສອບ ເຮັດໃຫ້ຂໍ້ມູນ ແລະ ທຸລະກຳຕ່າງໆ ມີຄວາມໜ້າເຊື່ອຖືສູງ.

• ທຸກຄົນຈາກທົ່ວໂລກສາມາດເຂົ້າໃຊ້ງານແບບອິດສະຫຼະ

ທຸກຄົນສາມາດເຂົ້າໄປມີສ່ວນຮ່ວມໄດ້ໃນບະບົບ Blockchain ບໍ່ວ່າຈະເປັນການຂຽນໂຄ້ດ Smart Contract, ການເຮັດທຸລະກຳ ຫຼື ແມ່ນແຕ່ການສ້າງ Token ແລະ  DApps

• ມີຄວາມ Decentralized ຫຼື ການກະຈາຍອຳນາດ

ເນື່ອງຈາກ Blockchain ບໍ່ໄດ້ເກັບຂໍ້ມູນໄວ້ຢູ່ສ່ວນກາງ ແຕ່ຂໍ້ມູນທັງມົດຖືກສຳເນົາ ແລະ ກະຈາຍໄປທົ່ວເຄືອຄ່າຍຄອມພິວເຕີ ຫຼື ຕາມ Node ຕ່າງໆ.

ສ່ວນຂໍ້ເສຍຫຼັກໆຂອງ Public Blockchain ກໍຄົງຈະແມ່ນການດຳເນີນການທີ່ຊ້າ ເນື່ອງຈາກມີການຮັບສົ່ງຂໍ້ມູນຈາກຄົນທົ່ວທຸກມຸມໂລກ ແລະ ຂະບວນການກວດສອບທີ່ຊັບຊ້ອຍ ເນື່ອງຈາກທຸກໆທູລະກຳໃນລະບົບຈະຕ້ອງມີການກວດສອບລາຍເຊັນແບບເຂົ້າລະຫັດ.

** ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

Follow our channels for more updates:

Website: www.bitqik.com
bitqik Suport :  https://support.bitqik.com/
bitqik Insight: https://insight.bitqik.com/
Facebook: https://www.facebook.com/bitqik/
Tiktok: https://vt.tiktok.com/ZSdT86ut3/
Youtube :ps:/www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial
Facebook Academy: https://www.facebook.com/profile.php?id=100086347500753

bitqik #bitcoin #cryptocurrency#Laos