Galois Capital ແມ່ນກອງທຶນ hedge fund ອີກເເຫ່ງທີ່ໄດ້ຮັບຜົນຈາກເຫດການລົ້ມລະລາຍຂອງ FTX, ອີງຈາກຂໍ້ມູນຂອງ Financial Time (FT), ກອງທຶນດັ່ງກ່າວຈະຖືກປິດຕົວລົງ ເເລະ ຊຳລະເງິນຄືນທັງໝົດໃຫ້ກັບບັນດານັກລົງທຶນ.

ໃນປີທີ່ຜ່ານມານີ້ Galois Capital ມີສິນຊັບຄຸ້ມຄອງທັງໝົດຫຼາຍກວ່າ 200 ລ້ານໂດລາ, ອີງຕາມເອກະສານທີ່ໄດ້ຮັບໂດຍ FT. ໃນປັດຈຸບັນກອງທຶນດັ່ງກ່າວໄດ້ແຈ້ງໃຫ້ນັກລົງທຶນໂຈະການຊື້ຂາຍທັງໝົດ. ຢ່າງໃດກໍ່ຕາມ ນັກລົງທຶນຍັງລໍຖ້າການປະກາດຢ່າງເປັນທາງການອີກຄັ້ງໃນໄວໆນີ້.

ເມື່ອບໍ່ດົນມານີ້ໃນເດືອນພະຈິກ ໄດ້ມີການຕັ້ງຂໍ້ສັງເກດວ່າ Galois Capital ໄດ້ລັອກເງິນຫຼາຍກ່ວາ 40 ລ້ານໂດລາຂອງກອງທຶນໄວ້ກັບ FTX, ເຖິງແມ່ນວ່າໄດ້ຍົກຍ້າຍຊັບສິນປະມານເຄິ່ງໜຶ່ງອອກໄປເເລ້ວ, ແຕ່ວ່າເງິນຈຳນວນນີ້ບໍ່ໄດ້ຖືກຖອນອອກກ່ອນເກີດການລົ້ມລະລາຍ.

Galois Capital ໄດ້ລະບຸໄວ້ໃນຈົດໝາຍວ່າ ລູກຄ້າທີ່ອ້າງເຖິງເອກະສານຂອງ FT ຈະໄດ້ຮັບເງິນຄືນ 90%, ສ່ວນທີ່ຍັງເຫຼືອ 10% ຈະຖືກລະງັບໄວ້ຊົ່ວຄາວ ແລະ ສົ່ງເງິນຄືນໃນພາຍຫຼັງຈາກສິ້ນສຸດການເຈລະຈາກັບຜູ້ບໍລິຫານ ແລະ ຜູ້ກວດສອບເປັນທີ່ຮຽບຮ້ອຍເເລ້ວ.

ທີ່ມາ : https://cutt.ly/N30HuAd