ການລົງທຶນໃນຕະຫຼາດ Crypto ມີຫຼາກຫຼາຍຮູບເເບບ ບໍ່ວ່າຈະເປັນການຊື້ຂາຍເເບບເກັງກຳໄລໃນໄລຍະສັ້ນ ຫຼື ການເຮັດກຳໄລຈາກການຄວາມຜັນຜວນໃນຕະຫຼາດ ໂດຍກົນລະຍຸດເຫຼົ່ານີ້ຕ້ອງໄດ້ອາໄສຈັງຫວະ, ຄວາມວ່ອງໄວ, ການວິເຄາະ ເເລະ ໃນຫຼາຍໆຄັ້ງເຮັດໃຫ້ເກີດຄວາມກັງວົນຕໍ່ນັກເທຣດໄດ້.

ໃນມື້ນີ້ເຮົາຈະມາເວົ້າເຖິງການລົງທຶນໄລຍະຍາວກັບກົນລະຍຸດທີ່ມີຄວາມຢືດຢຸ່ນ ເເລະ ໃຊ້ເວລາໜ້ອຍ ເເຖມຍັງມີຄວາມສ່ຽງໜ້ອຍອີກ!

• ການລົງທຶນ Crypto ໄລຍະຍາວ

ນັກລົງທຶນອາດຈະເລືອກຫຼຽນຫຼັກໆທີ່ມີ Market Cap ສູງເຊັ່ນ Bitcoin, Ethereum… ຫຼື ອາດຈະເລືອກ Tether ເຊິ່ງເປັນ Stablecoin ກໍໄດ້ເຊັ່ນກັນ. ໂດຍການເລືອກລົງທຶນໃນຫຼຽນ crypto ນັກລົງທຶນສາມາດເລືອກຫຼຽນໄດ້ຕາມໃຈ ເເຕ່ສິ່ງສຳຄັນຄືການໝັ່ນຫາຂໍ້ມູນ ສຶກສາໂຄງສ້າງຂອງຫຼຽນ ເເລະ ຕິດຕາມຂ່າວສານຢູ່ສະເໝີ ເພື່ອນຳມາປະກອບການຕັດສິນໃຈໃນການລົງທຶນຫຼຽນນັ້ນໆ.

ຕົວຢ່າງກົນລະຍຸດໃນການລົງທຶນໄລຍະຍາວ

• DCA (Dollar-Cost Average) ແມ່ນກົນລະຍຸດສະເລ່ຍຄ່າຕົ້ນທຶນ ເຊິ່ງໃຊ້ວິທີການລົງທຶນຢ່າງຕໍ່ເນື່ອງ, ແຕ່ລະໄລຍະທີ່ມີຈໍານວນເງິນລົງທຶນເທົ່າໆກັນ ໂດຍບໍ່ຄຳນຶງເຖິງລາຄາຂອງສິນຊັບໃນປະຈຸບັນ ແລະ ວິທີນີ້ຍັງຕັດເລື່ອງອາລົມ ເຮັດໃຫ້ການລົງທຶນມີລະບຽບເເບບເເຜນອີກດ້ວຍ ​ເຮົາ​ຈະ​ຊື້​​ໜ່ວຍລົງທຶນ ​ຫຼື ​ສິນຊັບ​ເພິ່ມຂຶ້ນຫາກ​ຖ້າ​ຫາກ​ວ່າ​ລາ​ຄາ​ຮຸ້ນ​ຫຼຸດ​ລົງແລະຈະສາມາດຊື້ໄດ້ໜ້ອຍລົງໃນຂະນະທີ່ລາຄາສິນຊັບເພີ່ມຂຶ້ນ.
• – HODL (Hold On for Dear Life) ແມ່ນພຶດຕິກໍາການລົງທຶນໂດຍການຖືເງິນ crypto ເປັນ​ເວ​ລາ​ດົນ ໂດຍບໍ່ມີການຂາຍເຖິງແມ່ນວ່າຈະຢູ່ໃນຊ່ວງຕະຫຼາດໝີ (Bear Market) ຫຼື ວ່າລາຄາຈະຫຼຸດລົງຫຼາຍເທົ່າໃດ. ເວົ້າໄດ້ວ່າກົນລະຍຸດນີ້ຕ້ອງໄດ້ອາໄສຄວາມອົດທົນຫຼາຍພໍສົມຄວນ ແຕ່ຖ້າເຮົາມີຄວາມໝັ້ນໃຈໃນສິນຊັບນັ້ນ HODL ກໍເປັນກົນລະຍຸດທີ່ຫນ້າສົນໃຈ.

ສຸດທ້າຍນີ້, ບໍ່ວ່າຈະເປັນການລົງທຶນເເບບໃດກໍຍ່ອມມີຄວາມສ່ຽງ. ໂດຍສະເພາະຕະຫຼາດ crypto ທີ່ມີຄວາມຜັນຜວນສູງ ນັກລົງທຶນຄວນສຶກສາຢ່າງລະອຽດກ່ອນທີ່ຈະລົງທຶນ, ບໍລິຫານເງິນ ແລະ ຫຼັກຊັບການລົງທຶນຂອງຕົວເອງຢ່າງເໝາະສົມ.

ທີ່ມາ : https://cutt.ly/Y3GYK0p