WeTransfer ເປັນແພລັດຟອມການແບ່ງປັນໄຟລ໌ໃນຮູບແບບ freemium, ເມື່ອບໍ່ດົນມານີ້ WeTransfer ໄດ້ປະກາດຍ້າຍໄປ Web3 ໂດຍຮ່ວມມືກັບ Minima ທີ່ຈະຊ່ວຍໃຫ້ຜູ້ໃຊ້ສາມາດສ້າງ ແລະ ສົ່ງ NFTs ຈາກໂທລະສັບຂອງຕົວເອງໄດ້.

Damian Bradfield ຫົວໜ້າ Creative Officer ຂອງ WeTransfer ຕັດສິນໃຈຮ່ວມມືກັບ Minima ຍ້ອນມີວິໄສທັດ ແລະ ເປົ້າໝາຍໃນຕະຫຼາດສອດຄ່ອງກັນ

“WeTransfer ມີຄວາມຕື່ນເຕັ້ນທີ່ຢ່າງຍິ່ງທີ່ໄດ້ເຮັດວຽກຮ່ວມກັບ Minima, ໂດຍພວກເຮົາມີວິໄສທັດທີ່ສອດຄ່ອງກັນ ເເລະ ມີເປົ້າໝາຍໃນການເຊື່ອມຕໍ່ຜູ້ຄົນໂດຍບໍ່ມີຮອຍຕໍ່, ອໍານວຍຄວາມສະດວກດ້ວຍນະວັດຕະກໍາ ແລະ ຄວາມຄິດສ້າງສັນໂດຍບໍ່ມີການສູນເສຍຄວາມເປັນສ່ວນຕົວ”

WeTransfer, ອະນຸຍາດໃຫ້ດາວໂຫຼດໄຟລ໌ຂະໜາດໃຫຍ່ໄດ້ໂດຍບໍ່ຈໍາເປັນຕ້ອງສ້າງບັນຊີເພື່ອຮັບໄຟລ໌ທີ່ສົ່ງ, ແນ່ນອນວ່າມີໂຄງສ້າງພື້ນຖານທີ່ສາມາດເຊື່ອມໂຍງກັບຄວາມເປັນສ່ວນຕົວທີ່ຂ້ອນຂ້າງງ່າຍສໍາລັບຜູ້ໃຊ້ Blockchain ທີ່ໃຊ້ປະໂຫຍດຈາກມັນ.

Hugo Feiler CEO ຂອງ Minima ກ່າວວ່າ: ການເຮັດວຽກຮ່ວມກັນກັບ WeTransfer ຈະຊ່ວຍໃຫ້ໂຄງການຂອງຕົນໄດ້ຮັບການ foothold ໃນອຸດສາຫະກໍາສິລະປະດິຈິຕອລຕັ້ງເເຕ່ເລີ່ມຕົ້ນ, ດຶງດູດນັກສິລະປິນ NFT ທີ່ສາມາດເກັບຄ່າລິຂະສິດຈາກຜົນງານສິລະປະດິຈິຕອລທີ່ຂາຍຜ່ານ Minima ໄດ້ດົນເທົ່າທີ່ຕ້ອງການ.

ໂດຍຄຸນສົມບັດທີ່ກ່າວມານັ້ນຈະເປີດຕົວໃນທ້າຍເດືອນນີ້. ແອັບທີ່ອະນຸຍາດໃຫ້ຜູ້ໃຊ້ສາມາດເອີ້ນ Minima node ຂອງຕົນເອງໄດ້ ຈະມີໃຫ້ດາວໂຫຼດໃນຫຼາຍກວ່າ 180 ປະເທດ, ຮ່ວມກັບຜູ້ໃຫ້ບໍລິການ hosting ອື່ນໆເຊັ່ນ Google ແລະ AWS ທີ່ດຳເນີນການໃຊ້ງານຢູ່ເທິງ Blockchain ທີ່້ເກັບຂໍ້ມູນໄວ້ໃນ cloud .

ທີ່ມາ : https://cutt.ly/l3i1QKO