ນັກວິເຄາະ Crypto ທີ່ມີຊື່ສຽງກ່າວວ່າ SHIB ຫຼຽນ Meme ຍອດນິຍົມ ອາດກຽມພ້ອມເຄື່ອນໄຫວສຳລັບການເພີ່ມຂຶ້ນຂອງລາຄາໃນຕະຫຼາດ ໃນອີກສອງສາມອາທິດຈະມາຮອດນີ້

ນັກວິເຄາະນາມເເຝງ Pentoshi  ບອກຜູ້ຕິດຕາມ 673,400 ຄົນ ໃນ Twitter ຂອງລາວວ່າ SHIB ມີເເນວໂນ້ມທີ່ຈະແຂງແຮງຫຼາຍຂຶ້ນ ຫຼັງຈາກຜ່ານເເນວຕ້ານຢູ່ທີ່  0.000013 ໂດລາ.

“ນີ້ຄືການປະສົມປະສານລະຫວ່າງການວິເຄາະທາງເທັກນິກ (TA) ເເລະ ການວິເຄາະປັດໃຈພື້ນຖານ.

ໃນເດືອນນີ້ ພວກເຂົາກໍາລັງຈະເປີດຕົວ Shibarium ແລະ ລະບົບນິເວດທັງໝົດຂອງຕົນເອງ, ເຊິ່ງຈະເກີດຂຶ້ນໃນສອງສາມອາທິດຂ້າງໜ້າ”

Shibarium ແມ່ນການຍົກລະດັບ layer-2 ທີ່ໄດ້ຮັບການຄາດຫວັງຫຼາຍສໍາລັບ Shiba Inu ທີ່ສ້າງຂຶ້ນເທິງ Ethereum (ETH), ຄ້າຍຄືກັບ Polygon (MATIC). ເຖິງເເມ່ນວ່າຜູ້ພັດທະນາບໍ່ໄດ້ມີການກຳນົດການເປີດຕົວຂອງໂຄງການຢ່າງຊັດເຈນ, ແຕ່ກໍໄດ້ໃຫ້ສັນຍາວ່າ: ສະບັບເບຕ້າຈະເປີດໃຫ້ໃຊ້ງານໃນໄວໆນີ້.

ໃນເວລາທີ່ຂຽນ, SHIB ແມ່ນມີການຊື້ຂາຍຢູ່ທີ່ 0.000015 ໂດລາ, ເພີ່ມຂຶ້ນເກືອບ 10% ໃນ 24 ຊົ່ວໂມງທີ່ຜ່ານມາ.

Pentoshi ຈັບຕາເບິ່ງລະບົບ Blockchain Polkadot (DOT) ອີງຕາມນັກວິເຄາະ Crypto ກ່າວວ່າ DOT ອາດຈະມຸ່ງໜ້າໄປສູ່ເເນວຕ້ານທີ່ 7.88 ໂດລາ.

ໃນເວລາທີ່ຂຽນ DOT ກໍາລັງປ່ຽນມື້ ໃນລາຄາ 6.85 ໂດລາ.

ສໍາລັບ Bitcoin, Pentoshi ເຕືອນວ່າ BTC ກໍາລັງເລີ່ມສະແດງອາການຂອງຄວາມອ່ອນເເຮງ ຫຼັງຈາກທີ່ບໍ່ສາມາດຕໍ່ສູ້ກັບເເນວຕ້ານ ເເລະ ຢຸດຢູ່ທີ່ປະມານ 23,900 ໂດລາ ເປັນຄັ້ງທີສອງ.

ເມື່ອພິຈາລະນາຈາກກຣາຟຂອງ Pentoshi, ລາວຄາດການວ່າ BTC ອາດຈະຫຼຸດລົງຢູ່ທີ່ລະດັບ 20,500 ໂດລາ. ໃນເວລາທີ່ຂຽນ, Bitcoin ມີມູນຄ່າ 23,366 ໂດລາ.

ທີ່ມາ : https://cutt.ly/L3ebvpE