Ray Dalio ເເມ່ນນັກລົງທຶນທີ່ມີຊື່ສຽງ ເເລະ CIO (Chief Investment Officer) ຂອງ Bridgewater ບໍລິສັດຄຸ້ມຄອງກອງທຶນທີ່ໃຫຍ່ທີ່ສຸດຂອງໂລກ. Ray Dalio ໄດ້ໃຫ້ສໍາພາດກັບ CNBC ສຳນັກງານຂ່າວທຸລະກິດອາເມຣິກາ, ກ່ຽວ​ກັບ​ສະ​ພາບ​ການ​ເສດ​ຖະ​ກິດ​ອາ​ເມຣິ​ກາ​ ແລະ ພ້ອມແບ່ງປັນກົນລະຍຸດການລົງທຶນຂອງລາວໃນປີ 2023.

Ray Dalio ຜູ້ທີ່ກ່າວວະລີອັນໂດ່ງດັ່ງ “ເງິນສົດແມ່ນຂີ້ເຫຍື້ອ” (Cash is trash), ເຊິ່ງໃນຕອນນີ້ລາວເວົ້າວ່າ ມັນບໍ່ແມ່ນເເບບນັ້ນອີກຕໍ່ໄປ. ເງິນສົດແມ່ນກະສັດອົງໃໝ່ (Cash is The New King) Ray Dalio ລະບຸວ່າ ດ້ວຍອັດຕາດອກເບ້ຍນະໂຍບາຍທີ່ສູງ ຈະສົ່ງຜົນໃຫ້ທຸລະກິດທັງຂະໜາດນ້ອຍ ແລະ ຂະໜາດໃຫຍ່ມີບັນຫາສະພາບຄ່ອງຢ່າງຮ້າຍແຮງ.

Ray ບອກວ່າພວກເຮົາກໍາລັງດໍາລົງຊີວິດຢູ່ໃນພື້່ນຖານວັດທະຈັກທີ່ຂັບເຄື່ອນໂດຍນະໂຍບາຍກະຕຸ້ນເສດຖະກິດ ແລະ ເພດານໜີ້ສິນທີ່ສູງ, ແຕ່ໃນມຸມມອງຂອງລາວ, ວັດທະຈັກນີ້ແມ່ນແຕກຕ່າງຈາກຄັ້ງທີ່ຜ່ານ. ເນື່ອງຈາກອັດຕາການສະສົມຂອງໜີ້ສິນມີຂະໜາດໃຫຍ່ ແລະ FED ກໍາລັງຄວບຄຸມຄ່າຕົ້ນທຶນທາງການເງິນຂອງບໍລິສັດຕ່າງໆ.

ສຸດທ້າຍ, Ray ແນະນໍາວ່າເງິນສົດກໍາລັງໄດ້ຮັບຄວາມສົນໃຈຫຼາຍໃນປັດຈຸບັນ ແລະ ທຸລະກິດທີ່ມີເງິນສົດສຳຮອງໄວ້ຈະມີຄວາມໄດ້ປຽບໃນຊ່ວງຂາລົງນີ້.

ທີ່ມາ : https://cutt.ly/c97Y8oW