Logan Paul YouTuber ທີ່ມີຊື່ສຽງໄດ້ຖືກຟ້ອງຮ່ວມກັບ CryptoZoo, ເຊິ່ງເປັນໂຄງການ NFT ຂອງລາວ ໃນກ່າວຂໍ້ຫາທີ່ວ່າ: ຈໍາເລີຍທັງສອງໄດ້ລັກ Cryptocurrency ຈາກຜູ້ຊື້ມູນຄ່າຫຼາຍລ້ານໂດລາ.

Cointelegraph ເວັບໄຊທ໌ຂ່າວກ່ຽວກັບ Cryptocurrency ລາຍງານວ່າ ສານຂັ້ນຕົ້ນຂອງເມືອງ West Texas, Don Holland ໄດ້ກ່າວຫາ Paul ແລະ ຜູ້ບໍລິຫານ CryptoZoo ວ່າໄດ້ດໍາເນີນການ ‘Rug Pull’ ໂດຍການສັນຍາກັບຜູ້ຊື້ວ່າຈະໄດ້ຮັບສິດທິພິເສດໃນການເຂົ້າເຖິງສິນຊັບ Crypto ໄດ້. ລວມທັງຜົນປະໂຫຍດອື່ນໆ, ແຕ່ໃນທີ່ສຸດກໍ່ລົ້ມເລີກໂຄງການ ແລະ ເກັບເງິນທຶນໄວ້.

ເອກະສານຢື່ນຟ້ອງໄດ້ລະບຸວ່າ: “ກ່ຽວກັບໂຄງການ NFT ຂອງຈໍາເລີຍ, ຈໍາເລີຍໄດ້ວາງແຜນການຕະຫຼາດທີ່ອ້າງວ່າ ການແລກປ່ຽນການໂອນເງິນ Cryptocurrency ເພື່ອຊື້ NFT CryptoZoo, ໂດຍຜູ້ຊື້ຈະໄດ້ຮັບສິດທິຜົນປະໂຫຍດ, ລວມທັງຮາງວັນ ສິດທິພິເສດໃນການເຂົ້າເຖິງສິນຊັບ Cryptocurrency ແລະ ສະຫນັບສະໜູນລະບົບນິເວດອອນໄລນ໌”

ໃນຂໍ້ກ່າວຫາໄດ້ມີການລະບຸວ່າ: “ແຕ່ໃນຄວາມເປັນຈິງເເລ້ວ, ຫຼັງຈາກທີ່ສາມາດຂາຍ NFT collection ດັ່ງກ່າວໄດ້ທັງໝົດ. ຈຳເລີຍຮ່ວມກັນກັບຜູ້ອື່ນ, ໄດ້ໂອນຍ້າຍເງິນສຳລັບຊື້ NFT CryptoZoo ມູນຄ່າຫຼາຍລ້ານໂດລາເຂົ້າກະເຂົ້າເງິນຕົວເອງ”.

ທີ່ມາ : https://cutt.ly/u97O7uG