bitqik ເປັນບໍລິສັດໃນເຄືອຂອງ SMG group ໂດຍໄດ້ຮັບໃບອະນຸຍາດຈາກລັດຖະບານຢ່າງເປັນທາງການໃນການການຊື້ຂາຍເເລກປ່ຽນ Crypto (Centralized Cryptocurrency Exchange) ເຕັມຮູບເເບບທັງພາຍໃນປະເທດ ເເລະ ຕ່າງປະເທດ. ໂດຍ bitqik ໄດ້ຮ່ວມມືກັບ ທະນາຄານຮ່ວມພັດທະນາ (Joint Development Bank – JDB) ເຊິ່ງເປັນທະນາຄານການຄ້າທີ່ໜ້າເຊື່ອຖືທີ່ສຸດໃນ ສປປ ລາວ.

bitqik ໃຫ້ບໍລິການແລກປ່ຽນສະກຸນເງິນ crypto ໃຫ້ກັບລູກຄ້າ ບໍ່ວ່າຈະເປັນບຸກຄົນ ຫຼື ສະຖາບັນອົງກອນຕ່າງໆ.

bitqik ໄດ້ເປີດຕົວຢ່າງເປັນທາງການໃນວັນທີ 5 ຕຸລາ ປີ 2022, bitqik ຍັງເຜີຍໃຫ້ເຫັນເຖິງລາຍການຫຼຽນທີ່ມີໃນເເພລັດຟອມການເເລກປ່ຽນຢູ່ໃນກະດານເທຣດຫຼາຍກວ່າ 20 Cryptocurrency. ເຊິ່ງໃນນັ້ນລ້ວນເເຕ່ເປັນຫຼຽນທີ່ຜູ້ຄົນນິຍົມໃນການລົງທຶນເຊັ່ນ: Bitcoin (BTC), Ethereum (ETH), Shiba Inu (SHIB), Dogecoin (DOGE), ຫຼື Solana (SOL) ເປັນຕົ້ນ.

Bitqik ໃຊ້ລະບົບຈັບຄູ່ຄຳສັ່ງ (OMS) ເພື່ອຈັບຄູ່ຄຳສັ່ງຊື້ ຫຼື Bid ກັບຄຳສັ່ງຂາຍ ຫຼື Ask ເພື່ອດຳເນີນການຊື້ຂາຍ. ເມື່ອມີຄໍາສັ່ງຊື້ຂາຍໃໝ່ເກີດຂຶ້ນ, ລະບົບຈະກວດສອບວ່າຄຳສັ່ງນັ້ນສາມາດຈັບຄູ່ທີ່ເໝາະສົມໄດ້ທັນທີຫຼືບໍ່? ຖ້າຄໍາສັ່ງສາມາດຈັບຄູ່ໄດ້ທັນທີລະບົບຈະຈັບຄູ່ໃຫ້ ແຕ່ຖ້າຄຳສັ່ງນັ້ນບໍ່ສາມາດຈັບຄູ່ໄດ້ ລະບົບຈະຈັດຮຽງຄຳສັ່ງຊື້ຂາຍນັ້ນໂດຍໃຊ້ລະບົບ First-in-first-out (FIFO) ຕາມຫຼັກການ Price then Time Priority (ຄໍາສັ່ງຊື້ທີ່ມີລາຄາສະເໜີຊື້ສູງທີ່ສຸດຈະຖືກຈັດຮຽງໄວ້ໃນລຳດັບທີໜຶ່ງ ແລະ ຖ້າມີລາຄາສະເໜີຊື້ທີ່ສູງກວ່າຖືກສົ່ງເຂົ້າມາໃໝ່ກໍຈະຖືກຈັດຮຽງເເທນອັນດັບທີໜຶ່ງທັນທີ ແລະ ຖ້າມີການສະເໜີຊື້ໃນລາຄາດຽວກັນທີ່ຫຼາຍກວ່າໜຶ່ງລາຍການ ໃຫ້ຈັດຮຽງການສະເໜີເຫຼົ່ານັ້ນຕາມເວລາທີ່ຖືກນຳສະເໜີ) ໃນຄຳສັ່ງຂາຍກໍເຊັ່ນດຽວກັນ.

Bitqik ມີໜ້າຕາລະບົບທີ່ໃຊ້ງານງ່າຍ ເເລະ ໃນເເພລັດຟອມຍັງສະໜັບສະໜູນຄຳສັ່ງຊື້ທີ່ຫຼາກຫຼາຍ, ໂດຍຄ່າທໍານຽມເລີ່ມຕົ້ນໃນການເທຣດຢູ່ທີ່ 0.2%

ເພື່ອອຳນວຍຄວາມສະດວກ ແລະ ຮັກສາຜົນປະໂຫຍດຂອງລູກຄ້າ bitqik ໄດ້ໃຫ້ບໍລິການທ່ານໃນການຊື້ຂາຍຕະຫຼອດ 24ຊົ່ວໂມງ, ລູກຄ້າສາມາດເຂົ້າເຖີງເເພລັດຟອມການຊື້ຂາຍໄດ້ທຸກທີ່ ທຸກເວລາທີ່ຕ້ອງການ ແຕ່ອາດຈະມີໃນບາງກໍລະນີທີ່ຈຳເປັນຕ້ອງມີການປັບປຸງລະບົບເພື່ອຄວາມປອດໄພໃຫ້ກັບເເພລັດຟອມ.

ທ່ານສາມາດກວດສອບຂໍ້ມູນໄດ້ທີ່ https://bitqik.com/lo/

ທີ່ມາ : https://cutt.ly/39YlluQ