LOOP Design Awards ຍົກໃຫ້ Bitcoin city ຂອງ El Salvador ເປັນໜຶ່ງໃນໂຄງການທີ່ໂດດເດັ່ນທີ່ສຸດຂອງການອອກເເບບພາຍໃນ ເເລະ ສະຖາປັດຕະຍະກຳ, ໂດຍເມືອງນີ້ຈະໃຊ້ພະລັງງານທີ່ພູເຂົາໄຟປ່ອຍອອກມາ ເເລະ ນຳໃຊ້ Bitcoin ເປັນສະກຸນເງິນຫຼັກຂອງເມືອງ.

ເມື່ອບໍ່ດົນມານີ້ ມີລາຍງານວ່າ Bticoin city ຖືເປັນເມືອງທີ່ໂດດເດັ່ນທີ່ສຸດໃນບັນດາໂຄງການຕ່າງໆກວ່າ 700 ໂຄງການ, ຈາກນະວັດຕະກໍາການອອກແບບພາຍໃນ, ທໍາມະຊາດ ແລະ ພູເຂົາໄຟອ້ອມຮອບ ເຮັດໃຫ້ເມືອງນີ້ໄດ້ຮັບລາງວັນຊະນະເລີດໃນການແຂ່ງຂັນ. ເມືອງດັ່ງກ່າວໄດ້ຮັບການອອກແບບໂດຍ Fernando Romero ສະຖາປະນິກທີ່ມີຊື່ສຽງຂອງເມັກຊິໂກ.

Bitcoin city ຈະຖືກສ້າງຂຶ້ນໃນພາກຕາເວັນອອກສຽງໃຕ້ຂອງປະເທດອາເມລິກາ, ຢູ່ລະຫວ່າງພູເຂົາໄຟ Conchagua ແລະ Tecapa. Romero ໄດ້ອອກແບບພື້ນທີ່ຕົວເມືອງເປັນຮູບວົງມົນເພື່ອໃຫ້ສາມາດເຫັນເຖິງ logo ຂອງ bitcoin ເມື່ອເເນມຈາກຂ້າງເທິງລົງມາ.

ທີມງານຂອງ Romero ກ່າວວ່າເມືອງເເຫ່ງອະນາຄົດນີ້ຈະ “ມີປະສິດທິພາບ ແລະ ຍືນຍົງ” ແລະ ຈະນໍາໃຊ້ພະລັງງານຄວາມຮ້ອນໃຕ້ດິນຈາກພູເຂົາໄຟເພື່ອສ້າງພະລັງງານໃຫ້ເເກ່ເມືອງ.

ເມືອງເເຫ່ງນີ້ ຈະໃຊ້ Bitcoin ເປັນສະກຸນເງິນຫຼັກເພື່ອຊ່ວຍສ້າງຜົນປະໂຫຍດໃຫ້ເເກ່ຜູ້ທີ່ອາໄສຢູ່ໃນເມືອງ, ສະຖາປະນິກກ່າວວ່າ “ພື້ນທີ່ສາທາລະນະໃໝ່ເເຫ່ງນີ້ ຈະເປັນຈຸດສູງສຸດຂອງການຄົ້ນຄວ້າຫຼາຍສິບປີກ່ຽວກັບສິ່ງທີ່ມະນຸດຕ້ອງການເພື່ອດໍາລົງຊີວິດທີ່ດີໃນເສດຖະກິດຕໍ່ຕ້ານອັດຕາເງິນເຟີ້”

ນອກຈາກໂຄງການນີ້ເເລ້ວ El Salvador ຍັງມີຫຼາຍໆໂຄງການທີ່ກ່ຽວຂ້ອງກັບ Bitcoin ທີ່ວາງແຜນທີ່ຈະເປີດຕົວໃນຊຸມປີຂ້າງໜ້າ. ໜຶ່ງໃນນັ້ນຄືໂຄງການ Chivo Pets ໂຮງໝໍສັດທີ່ສາມາດຊໍາລະເງິນໄດ້ດ້ວຍ Bitcoin ລວມທັງເປັນສູນການຮຽນຮູ້ Bitcoin ທີ່ຈະເປັນ “ໂອກາດໃນການເຂົ້າເຖິງການຮຽນຮູ້ຟຣີ ໂດຍບໍ່ເສຍເງິນ”.

ທີ່ມາ :