The Cardano (ADA) blockchain ໄດ້ປະກາດເປີດຕົວ “Sidechain Toolkit” ເປັນທີ່ຮຽບຮ້ອຍ ເເລະ ພ້ອມທີ່ຈະສ້າງຄວາມເປັນໄປໄດ້ໃໝ່ໆສໍາລັບຜູ້ໃຊ້ຫຼັງຈາກທີ່ລໍຖ້າມາເປັນເວລາດົນນານ.

Input Output Global (IOG) ເປັນບໍລິສັດຊອບແວທີ່ຢູ່ເບື້ອງຫຼັງຂອງ Blockchain Cardano (ADA), ໄດ້ປະກາດການເປີດຕົວ “Sidechain Toolkit” ຊຸດເຄື່ອງມືໃໝ່ທີ່ IOG ອ້າງວ່າ “ຈະຊ່ວຍສ້າງຄວາມຮັ່ງມີ ໃຫ້ກັບຄວາມເປັນໄປໄດ້ໃໝ່ໆ ສໍາລັບ Stakeholders ໃນລະບົບນິເວດ.

IOG ຊີ້ໃຫ້ເຫັນຜົນປະໂຫຍດຫຼັກໆທີ່ສໍາຄັນໃນ sidechain ທີ່ນໍາສະເໜີໃຫ້. ເຊິ່ງລວມເຖິງແຫຼ່ງລາຍຮັບທີ່ເພີ່ມຂຶ້ນສໍາລັບ Stake Pool Operators (SPOs) ແລະ Delegators, ໃນຂະນະດຽວກັນກໍໄດ້ແນະນໍາການເປີດເເພລັດຟອມໃໝ່ສໍາລັບນະວັດຕະກຳ ແລະ ໂຊລູຊັນທີ່ສ້າງຂຶ້ນເອງ.

Cardano (ADA) ແມ່ນເຄືອຂ່າຍ blockchain ທີ່ໃຊ້ກົນໄກ Proof-of-Stake (PoS) ເຊິ່ງປົກກະຕິຈະໃຫ້ຄວາມສຳຄັນກັບການເຮັດວຽກຂອງເຄືອຂ່າຍ. ໂດຍມີເປົ້າໝາຍໃນການເປັນໂປໂຕຄອນ blockchain ທີ່ມີການໃຊ້ງານຫຼາຍທີ່ສຸດເໜືອກວ່າ Ethereum (ETH), ເຮັດໃຫ້ Cardano ໄດ້ຮັບຄວາມສົນໃຈຈາກຜູ້ໃຊ້ສ່ວນຫຼາຍ ເນື່ອງຈາກມີການປັບປຸງຢ່າງຕໍ່ເນື່ອງ ແລະ ການຍົກລະດັບເຄືອຂ່າຍຢ່າງສະໝ່ຳສະເໝີ.

ທັງນີ້ Sidechain Toolkit ຈະມີກົນໄກ ແລະ ສູດການຄິດໄລ່ທີ່ມີກົນໄກການເຫັນດີດ້ວຍຕົນເອງ, ເຊິ່ງຊ່ວຍຂະຫຍາຍການກະຈາຍອໍານາດຂອງເຄືອຂ່າຍ Cardano (ADA) ໃນຂະນະທີ່ອະນຸຍາດໃຫ້ sidechains ສາມາດດໍາເນີນການໄດ້ຢ່າງອິດສະຫຼະ ເຮັດໃຫ້ຄວາມສົມບູນຂອງບລັອກແມ່ນຖືກກໍານົດໂດຍຜ່ານກົນໄກການຕົກລົງ ທີ່ອີງໃສ່ຄວາມປອດໄພຂອງລະບົບຂອງ chain ຫຼັກ.

ທີ່ມາ : https://cutt.ly/u9kyJPG