ໃນໂລກ blockchain ທຸກມື້ນີ້ ເເອັບຕ່າງໆທີ່ພວກເຮົາໄດ້ເຫັນ ເເລະ ນຳໃຊ້ນັ້ນ ບໍ່ວ່າຈະເປັນການສ້າງ token, NFT ຫຼື DeFi ນັ້ນລ້ວນມາຈາກ Smart Contract ທັ້ງໝົດ. ໂດຍຜູ້ພັດທະນາສ່ວນໃຫຍ່ຈະຂຽນ Smart Contract ກັນເປັນຫຼັກຫຼາຍກວ່າທີ່ຈະຂຽນ Blockchain Core. ມື້ນີ້ເຮົາມີຂໍ້ມູນສໍາລັບສາຍ Dev ກ່ຽວກັບຂໍ້ດີ ແລະ ຂໍ້ເສຍຂອງພາສາທີ່ນິຍົມສໍາລັບການຂຽນ Smart Contract ມາແບ່ງປັນກັນ.

• Smart Contract ເເມ່ນຫຍັງ?

Smart contracts ເປັນພຽງໂປຣເເກຣມທີ່ເກັບໄວ້ໃນ blockchain ທີ່ກຳນົດຂັ້ນຕອນການເຮັດວຽກຕາມເງື່ອນໄຂໄວ້ລ່ວງຫນ້າໂດຍບໍ່ຕ້ອງອາໄສຕົວກາງ ເປັນລະບົບອັດຕະໂນມັດຢ່າງເຕັມຮູບເເບບ.

ໂດຍປົກກະຕິແລ້ວພວກມັນຖືກໃຊ້ເພື່ອປະຕິບັດຕາມຂໍ້ຕົກລົງອັດຕະໂນມັດ ເພື່ອໃຫ້ຜູ້ເຂົ້າຮ່ວມທັງໝົດສາມາດໝັ້ນໃຈໄດ້ໃນຜົນໄດ້ລັບ, ໂດຍບໍ່ມີຄົນກາງເຂົ້າໄປຫຍຸ້ງກ່ຽວໃຫ້ເສຍເວລາ. ເປັນຂະບວນການເຮັດວຽກເເບບອັດຕະໂນມັດ ເເລະ ກະຕຸ້ນການດໍາເນີນການຕໍ່ໄປເມື່ອຕົງຕາມເງື່ອນໄຂຈົນບັນລຸ.

ເວົ້າໃຫ້ເຂົ້າໃຈງ່າຍໆກໍຄື Smart contracts ເເມ່ນສັນຍາດິຈິຕອລທີ່ເກັບໄວ້ໃນ Blockchain ເຊິ່ງດຳເນີນການໂດຍອັດຕະໂນມັດເມື່ອຕົງຕາມຂໍ້ກຳນົດ ເເລະ ເງື່ອນໄຂທີ່ໄດ້ວາງໄວ້ລ່ວງໜ້າ.

• ພາສາໂປຣແກຣມ (Programming Language)

ພາສາໂປຣແກຣມ ຫຼື Programming Language ເເມ່ນພາສາທີ່ອອກເເບບໂຄງສ້າງຂຶ້ນເພື່ອໃຊ້ໃນການຂຽນຄຳສັ່ງໃຫ້ຄອມພິວເຕີເຮັດວຽກ. ເຊັ່ນດຽວກັນກັບຕົວໂນ໊ດໃນດົນຕີ, ເຊິ່ງ  Programming Language ເປັນສິ່ງຈໍາໃນການການຂຽນ Smart contracts.

1. Solidity

Solidity ແມ່ນພາສາທີ່ໃຊ້ໃນການຂຽນໂປຣແກຣມ Smart contract ພາສາທໍາອິດ, ເຊິ່ງໄດ້ຮັບອິດທິພົນຈາກພາສາ C++, Python, ແລະ JavaScript. ດັ່ງນັ້ນ Solidity ຈຶ່ງມີໂຄງສ້າງພາສາທີ່ຄ້າຍຄືກັບສາມພາສາຂ້າງເທິງ, ເຮັດໃຫ້ມັນງ່າຍ ແລະ ສະດວກສໍາລັບນັກພັດທະນາໃນການນຳໄປປັບໃຊ້.

ຂໍ້ດີຂອງພາສາ

– Solidity ມີຊຸມຊົນຂະໜາດໃຫຍ່ ແລະ ສາມາດເຂົ້າເຖິງໄດ້. ເນື່ອງຈາກເປັນພາສາທໍາອິດທີ່ໃຊ້ຂຽນ Smart Contract ,ເຮັດໃຫ້ Dev ມືໃໝ່ສາມາດຊອກຫາຄວາມຊ່ວຍເຫຼືອໄດ້ງ່າຍເມື່ອພວກເຂົາມີບັນຫາ.

– Solidity ເປັນພາສາຮູບເເບບ Turing-Complete. (ມີຄວາມສາມາດ 4 ຢ່າງຄື: ອ່ານ, ຂຽນ, ເລື່ອນຫົວເຄື່ອງໄປຂ້າງໜ້າ ແລະ ເລື່ອນຫົວເຄື່ອງໄປຂ້າງຫຼັງ). ດັ່ງນັ້ນ Solidity ຈຶ່ງບໍ່ພຽງແຕ່ສາມາດປະຕິບັດ algorithms. ແຕ່ຍັງສາມາດຖືກນໍາໄປໃຊ້ໃນການຄິດໄລ່ທຸກໆ functions ທີ່ຄຳນວນໄດ້ (Computable Function).

– Solidity ແມ່ນແນວຄິດ ຫຼື Concept ທີ່ມີຢູ່ໃນພາສາການຂຽນໂປຣແກຣມຍຸກໃໝ່ສ່ວນໃຫຍ່ ບໍ່ວ່າຈະເປັນ functions, String manipulation, classes, variables ຫຼື arithmetic operators ເປັນຕົ້ນ.

– Solidity ສາມາດຮຽນຮູ້ໄດ້ງ່າຍ ເເລະ ໃຊ້ເວລາຮຽນຮູ້ໄວ. ຖ້າທ່ານມີພື້ນຖານຂອງພາສາການຂຽນໂປຣແກຣມທີ່ນິຍົມເຊັ່ນ Python ຫຼື C++ ແລະ JavaScript.

ຂໍ້​ເສຍ​ຂອງ​ພາ​ສາ​

– ເຖິງແມ່ນວ່າມັນເປັນພາສາທໍາອິດທີ່ໃຊ້ໃນການຂຽນ Smart Contract ເເຕ່ Solidity ຖືວ່າເປັນພາສາໃໝ່ທີ່ຍັງມີຂໍ້ຈໍາກັດຫຼາຍຢ່າງ. ເຊິ່ງຜູ້ໃຊ້ຈຳເປັນຕ້ອງດຳເນີນການດ້ວຍຕົນເອງໃນສ່ວນນັ້ນໆ.

ຕົວຢ່າງຂອງ blockchains ທີ່ໃຊ້ພາສາ: Ethereum, Binance Smart Chain, Ethereum Classic.

2. Rust

Rust ເປັນພາສາການຂຽນໂປຣແກລມລະດັບຕໍ່າ(ມີລັກສະນະຄ້າຍຄືກັບພາສາເຄື່ອງ) ພັດທະນາໂດຍ Mozilla, ບໍລິສັດທີ່ພັດທະນາຕົວທ່ອງເວັບເວັບໄຊຕ໌ທີ່ມີຊື່ສຽງຢ່າງ Firefox, ໂດຍເນັ້ນໃສ່ການເປັນພາສາສໍາລັບການປະມວນຜົນການເຮັດວຽກພ້ອມກັນແລະ ສາມາດເຮັດວຽກໃນລະບົບຂະໜາດໃຫຍ່ ມັນຍັງຖືກອອກແບບເພື່ອບໍ່ໃຫ້ມີບັນຫາກ່ຽວກັບໜ່ວຍຄວາມຈຳ.

ຂໍ້ດີຂອງພາສາ

– ດ້ວຍຄວາມທີ່ມັນ​ເປັນ​ພາ​ສາ​ລະ​ດັບ​ຕ່ຳ ​ແລະ​ ຖືກອອກ​ແບບ​ໃຫ້ມີປະສິດທິພາບ​ສູງ​ ​ເຮັດ​ໃຫ້​ມັນ​ສາມາດ​ສ້າງ DApps (Decentralized Applications​) ທີ່​ມີ​ປະລິມານຂອງ​ເຄືອ​ຂ່າຍ​ສູງ​.

– ຕົວ​ແປ​ທີ່​ບໍ່​ມີການປ່ຽນຮູບ ​(Immutability) ຂອງ Rust ເປິດຊ່ອງໃຫ້ຂຽນມີໂປຣແກຣມທີ່ຄາດເດົາໄດ້. ເຊິ່ງເປັນສິ່ງສໍາຄັນສໍາລັບ Applications ທີ່ສ້າງຂຶ້ນໃນ blockchain.

ຂໍ້​ເສຍ​ຂອງ​ພາ​ສາ​

– Rust ເປັນພາສາໃໝ່ທີ່ມີ Concept ໃໝ່ໆ, ສົ່ງຜົນໃຫ້ອາດໃຊ້ເວລາໃນການຮຽນຮູ້ການທຳງານ ໂດຍສະເພາະແມ່ນສໍາລັບຜູ້ໃຊ້ໃໝ່ທີ່ເລິ່ມຕົ້ນຂຽນໂປຣແກຣມ.

– ຄັງໂປຣເເກຣມ (Library) ມີຂໍ້ຈຳກັດຫຼາຍເມື່ອປຽບທຽບກັບພາສາອື່ນໆເຊັ່ນ: Python ແລະ JavaScript.

– ຜູ້​ໃຊ້ຈຳເປັນ​ຕ້ອງຂຽນໂຄ໊ດ​ຫຼາຍກວ່າພາ​ສາ​ອື່ນ ເພາະຕ້ອງສະແດງໂຄງສ້າງຂອງທຸກໆໂປຣເເກຣມຢ່າງຊັດເຈນ.

ຕົວຢ່າງ: ຂອງ blockchains ໂດຍໃຊ້ Solana, Polkadot, Near

3. JavaScript

JavaScript ແມ່ນພາສາການຂຽນໂປຣອະເນກປະສົງ, ອີກທັງຍັງເປັນພາສາລະດັບເລີ່ມຕົ້ນ ເຊ່ິ່ງມີການຄອງພື້ນທີ່ໃນໂລກ blockchain. ເນື່ອງຈາກ blockchains ສ່ວນໃຫຍ່ມີແນວໂນ້ມທີ່ຈະສ້າງຄັງ (Library) ຂອງ JavaScript ເພື່ອໃຫ້ງ່າຍສໍາລັບນັກພັດທະນາທີ່ຈະກະໂດດເຂົ້າມາຮ່ວມໃນລະບົບນິເວດ.

ຂໍ້ດີຂອງພາສາ

– ເປັນພາ​ສາ​ທີ່​ນິ​ຍົມ ອີກທັງ​ຍັງເປັນພາສາຫຼັກສໍາລັບການຂຽນໂປຣແກຣມ, ເຮັດໃຫ້ມີການສະໜັບສະໜູນຢ່າງກວ້າງຂວາງຈາກຊຸມຊົນ.

– ໃຊ້​ເວ​ລາ​ໜ້ອຍ​ໃນ​ການ​ພັດ​ທະ​ນາກວ່າ​ພາ​ສາ​ອື່ນໆ​

ຂໍ້​ເສຍ​ຂອງ​ພາ​ສາ​

– ​ເປັນ​ພາ​ສາ​ປະ​ເພດ​ Dynamic Type (ບໍ່​ຈໍາ​ເປັນ​ຕ້ອງ​ລະ​ບຸ​ປະ​ເພດ​ໃນ​ການ​ປະ​ກາດ​ຕົວ​ປ່ຽນ​ແປງ​)​, ເຮັດໃຫ້​ຜູ້​ໃຊ້​ຕ້ອງດຳເນີນການດ້ານຄວາມ​​ປອດ​ໄພ​ດ້ວຍ​ຕົນ​ເອງ​. ເເຕກຕ່າງກັບພາສາອື່ນທີ່ເປັນເເບບ Static Type.

ຕົວຢ່າງຂອງ blockchain ທີ່ໃຊ້ພາສາ Ethereum, Solana.

ທີ່ມາ : https://cutt.ly/s0bs97z

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

Bitcoin #bitqik #bitqikacademy #Cryptocurrency #Blockchain