ຖ້າໃຫ້ເວົ້າເຖິງຫຼຽນ Meme ທີ່ກຳລັງມາເເຮງໃນຕອນນີ້ ກໍຕ້ອງຍົກໃຫ້ຫຼຽນນ້ອງໝາ (Dogecoin) ນີ້ເລີຍ, ໃນປີທີ່ຜ່ານມາ Dogecoin ກໍໄດ້ຈັດ big surprise ດ້ວຍການ All Time High ຢູ່ທີ່ 0.74 ໂດລາ ເພີ່ມຂຶ້ນຈາກລະດັບຕ່ໍາສຸດ 0.0046 ໂດລາ ທຽບເປັນເປີເຊັນສູງເຖີງ 16,000% ເລີຍ.

ໃນມື້ນີ້່ເຮົາຈະມາທຳຄວາມຮູ້ຈັກກ່ຽວກັບ Dogecoin ໃຫ້ຫຼາຍຂຶ້ນ ດັ່ງບົດຄວາມລຸ່ມນີີ້:

• Dogecoin (DOGE) ເເມ່ນຫຍັງ?

Dogecoin (DOGE) ເປັນສະກຸນເງິນດິຈິຕອລເເບບ Open-source ແລະ ເປັນແພລັດຟອມການກະຈາຍອຳນາດໃນເຄືອຂ່າຍ P2P. ມັນເປັນຫຼຽນ altcoin ແລະ meme ທີ່ສ້າງຂຶ້ນມາເພື່ອລໍ້ລຽນ, ຈົນໄດ້ຮັບຄວາມນິຍົມວ່າເປັນຫຼຽນ Meme ທີ່ມີຄ່າມູນຄ່າສູງສຸດໃນ​ຕອນນີ້.

• ປະຫວັດຄວາມເປັນມາຂອງ Dogecoin

Jackson Palmer ຜູ້ຈັດການຜະລິດຕະພັນໃນ Sydney ອອສເຕຣເຣຍ ສໍານັກງານລັບ Adobe Inc ໄດ້ສ້າງ Dogecoin ໃນປີ 2013 ເພື່ອເປັນການລໍ້ລຽນ Bitcoin ກ່ອນໄດ້ຮັບຄວາມນິຍົມສົນໃຈໃນສື່ສັງຄົມ ເເລະ ມີເປັນຫຼຽນ Meme ທີ່ມີມູນຄ່າຫຼາຍສຸດໃນຕອນນີ້. ຕໍ່ມາ  Billy Markus ຜູ້ພັດທະນາຊັອບແວ IBM ກໍໄດ້ຮ່ວມມືກັບ Jackson Palmer ເພື່ອສ້າງຊັອບເເວທີ່ຢູ່ເບຶ້ອງຫຼັງຂອງ Dogecoin ຢ່າງເເທ້ຈິງ.

ລະຫັດ Dogecoin ຂອງ Markus  ໃນ Luckycoin ແມ່ນໄດ້ມາຈາກ Litecoin ແລະ ເລີ່ມໃຊ້ສຸ່ມໃນການຂຸດເພື່ອຫາລາງວັນ ເຖິງແມ່ນວ່າມັນປ່ຽນເປັນ ລາງວັນຄົງທີ່ໃນເດືອນມີນາ ປີ 2014, Dogecoin ໃຊ້ເທັກໂນໂລຢີການເຂົ້າລະຫັດຂອງ Litecoin ແລະ ເປັນຫຼຽນ Proof-of-Work (PoW).

Palmer ແລະ Markus ໄດ້ເປີດຕົວຫຼຽນໃນວັນທີ 6 ທັນວາ ປີ 2013. ສອງອາທິດຕໍ່ມາ ໃນວັນທີ 19 ທັນວາ ມູນຄ່າຂອງ Dogecoin ເພີ່ມຂຶ້ນ 300%, ໂດຍໄດ້ຮັບການສະໜັບສະໜູນຈາກນະໂຍບາຍຂອງຈີນທີ່ຈະຫ້າມບໍ່ໃຫ້ທະນາຄານລົງທຶນໃນ cryptocurrencies.

• ເປັນຫຍັງ Dogecoin ຈຶ່ງເປັນທີ່ນິຍົມ?

Dogecoin ເປັນສະກຸນເງິນດິຈິຕອລທີ່ເຮັດວຽກຢູ່ໃນ blockchain ຄືກັນກັບ Bitcoin ແລະ Ethereum, ເຊິ່ງສາມາດເກັບຮັກສາທຸລະກໍາທີ່ເກີດຂຶ້ນ, ໂດຍຜູ້ຖື ມີສໍາເນົາຂອງບັນຊີລາຍການດຽວກັນ. ການເຮັດທຸລະກໍາໃໝ່ຈະຖືກບັນທຶກ ແລະອັບເດດຢູ່ໃນບັນຊີບັນຊີລາຍການທັງໝົດ, ເຮັດໃຫ້ມັນມີຄວາມໂປ່ງໃສ ເເລະ ຍາກທີ່ຈະປອມເເປງຂໍ້ມູນ.

ນອກຈາກນັ້ນ, Dogecoin ຖືກອອກແບບມາເພື່ອໃຫ້ສາມາດເຂົ້າເຖິງໄດ້ງ່າຍກວ່າ Bitcoin. ດັ່ງທີ່ພວກເຮົາທຸກຄົນຮູ້ Bitcoin ຖືກຈໍາກັດພຽງແຕ່ 21 ລ້ານຫຼຽນເທົ່ານັ້ນ, ແຕ່ Dogecoin ສາມາດຜະລິດອອກມາໄດ້ຕາມຄວາມຕ້ອງການ ບໍ່ມີຈຳນວນຈໍາກັດຄືກັບ Bitcoin ແລະ cryptocurrencies ອື່ນໆ.

ເຖິງແມ່ນວ່າ Dogecoin ໄດ້ຖືກສ້າງຂື້ນເພື່ອຄວາມມ່ວນ, ເເຕ່ດ້ວຍ logo ມີ ທີ່ເປັນເອກະລັກບວກກັບຄວາມໜ້າຮັກຂອງໝາ Shiba Inu ນີ້ເຮັດໃຫ້ຫຼຽນດັ່ງກ່າວເປັນທີ່ນິຍົມ ແລະ ໄດ້ຮັບຄວາມສົນໃຈຫຼາຍ. ຍ້ອນກັບໄປໃນທ້າຍປີ 2020 Dogecoin ມີລາຄາປະມານ 0.0045ໂດລາ ແລະ ມາຮອດເດືອນເມສາ ປີ2021, ຫຼຽນໄດ້ລາຄາຢູ່ທີ່ 0.4498 ໂດລາ, ເພີ່ມຂຶ້ນເກືອບ 10,000%.

• Dogecoin ຊື້ຂາຍຢູ່ໃສ?

ທ່ານສາມາດຊື້ Dogecoin (DOGE) ໂດຍການສ້າງບັນຊີໜື່ງເພື່ອໃຊ້ໃນການແລກປ່ຽນ cryptocurrency ຈໍານວນຫຼາຍລວມທັງ Coinbase, Binance, ແລະ Kraken.

• Dogecoin ໃຊ້ເຮັດຫຍັງ?

ທ່ານສາມາດໃຊ້ Dogecoin ເພື່ອເເລກປ່ຽນກັບຜູ້ຂາຍທີ່ຕ້ອງການ ເເລະ ຍອມຮັບຫຼຽນນີ້ເຊັ່ນກັນ. ທຸລະກິດຫຼາຍໆປະເພດທຸລະກິດຍອມຮັບ DOGE ລວມທັງ SpaceX ຂອງ Elon Musk ແລະ Dallas Mavericks. ຜູ້ຖື Dogecoin ຫຼາຍຄົນໃຊ້ DOGE ຂອງພວກເຂົາເພື່ອແນະນໍາຜູ້ສ້າງເນື້ອຫາໃນ Reddit ແລະ ເເພລັດຟອມສື່ມວນຊົນສັງຄົມອື່ນໆ.

ຢ່າງໃດກໍຕາມ, ເຖິງວ່າຫຼຽນ  meme ນີ້ຈະມີຄວາມຜັນຜວນຕາມກະເເສໃນຕະຫຼາດຫຼາຍເເຕ່ກໍຍັງເປັນທີ່ນິຍົມຢູ່ໃນປັດຈຸບັນ, ໂດຍສະຖິຕິສູງສຸດຕະຫຼອດການຂອງຫຼຽນມີມູນຄ່າເຖີງ 0,74 ໂດລາ ເຊີ່ງມີອັດຕາເພິ່ມຂຶ້ນຫຼາຍຈາກຈຸດທີ່ຕ່ຳສຸດເຖິງ 16,000% ເມື່ອໃດທີ່ມັນມີມູນຄ່າໃນອັດຕາສ່ວນ 1:1 (DOGE/USD) ອາດເວົ້າໄດ້ວ່າ Dogecoin ປຽບຄືເງີນໂດລາໃນໂລກ Crypto

ທີ່ມາ : https://cutt.ly/J1eEw9p

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain