ໃນຍຸກປັດຈຸບັນທີ່ຕົວເລກເງິນເຟີ້ທົ່ວໂລກເພີ່ມຂຶ້ນຢ່າງຕໍ່ເນື່ອງ ເເລະ ຍັງເພີ່ມຄວາມຮ້າຍແຮງຂຶ້ນດ້ວຍຄວາມສ່ຽງຂອງເສດຖະກິດທີ່ຖົດຖອຍ. ສົ່ງຜົນໃຫ້ມູນຄ່າເງິນໃນມືຂອງເຮົາຫຼຸດລົງໄປເລື້ອຍໆ, ດັ່ງນັ້ນ ການກອດເງິນສົດໄວ້ອາດຈະບໍ່ຄ່ອຍດີ ເເລ້ວພວກເຮົາຈະເຮັດແນວໃດເພື່ອບໍ່ໃຫ້ເງິນໃນກະເປົ໋າສູນເສຍໄປຢ່າງບໍ່ມີປະໂຫຍດ?

ມື້ນີ້ເຮົາໄດ້ລວບລວມຂໍ້ມູນກ່ຽວກັບຊັບສິນຈະລົງທຶນໃນສະພາວະອັດຕາເງິນເຟີ້ຄື “ທອງຄໍາ” ແລະ “Bitcoin” ຫຼັງຈາກໄດ້ອ່ານບົດຄວາມນີ້ເເລ້ວ ມັນອາດຈະຊ່ວຍໃຫ້ທ່ານຕັດສິນໃຈວ່າຈະລົງທຶນໃນສິນຊັບໃດໄດ້ດີຂຶ້ນ

• Bitcoin

Bitcoin ໄດ້ຖືກເປີດຕົວໃນປີ 2009 ເປັນເທັກໂນໂລຢີການແບ່ງຂັ້ນຄຸ້ມຄອງໄປສູ່ຍຸກໃໝ່ໃນດ້ານການເງິນ ແລະ ການລົງທຶນ. ໃນເບື້ອງຕົ້ນ cryptocurrencies ເຫຼົ່ານີ້ເປັນທີ່ດຶງດູດສໍາລັບບາງກຸ່ມຄົນເທົ່ານັ້ນ.

ໃນປີ 2010 ນັກເກັງກຳໄລໃນຍຸກທຳອິດພົບວ່າ Bitcoins ທີ່ພວກເຂົາເຄີຍຊື້ດ້ວຍເສດເງິນໄດ້ເພີ່ມລາຄາເປັນ 0.09ໂດລາ ຕໍ່ Bitcoin. ໂຮງງານ ເເລະ ເເຫຼ່ງຂຸດ bitcoin ຂະໜາດໃຫຍ່ກາຍເປັນທີ່ນິຍົມ ເເລະ ການເເລກປ່ຽນເງິນດິຈິຕອລໄດ້ກຳເນີດຂຶ້ນ.

ໃນຂະນະທີ່ການລະບາດຂອງ Covid-19 ເລີ່ມປິດເສດຖະກິດໂລກໃນປີ 2020, ນັກເກັງກຳໄລ ແລະ ນັກລົງທຶນສັງເກດເຫັນວ່າ ມູນຄ່າຂອງ Bitcoin ບໍ່ໄດ້ຫຼຸດລົງຄຽງຄູ່ກັບມູນຄ່າຫຼັກຊັບຂອງມັນ. ພວກເຂົາເຈົ້າໄດ້ເລີ່ມຕົ້ນເທເງິນກອງທຶນເພື່ອຊື້ມັນ. ນັກລົງທຶນຍັງຊອກຫາວິທີການສ້າງເຄື່ອງມືໃນການລົງທຶນຂອງພວກເຂົາ ແລະ ໃຊ້ເງິນທຶນຈາກມັນ. ລາຄາຂອງມັນເພີ່ມຂຶ້ນສູງໃນເດືອນເມສາ ປີ 2021 ລາຄາຂອງ Bitcoin ໄດ້ບັນລຸເຖິງ 61,000 ໂດລາ.

• ທອງຄຳ (Gold)

ໃນໄລຍະຜ່ານມາ, ທອງຄໍາປະຕິບັດໄດ້ດີໃນລະຫວ່າງການປັບຖານຂອງຕະຫຼາດຍ້ອນວ່າມັນຮັກສາມູນຄ່າໄວ້ຄົງທີ່. ຫຼັງຈາກນັ້ນ ຈຶ່ງມີເເນວໂນມເພີ່ມຂຶ້ນ ເນື່ອງຈາກນັກລົງທຶນຍ້າຍຈາກຮຸ້ນເປັນໄປທອງຄຳຫາກສະພາວະທົດຖອຍກຳລັງຄຸກຄາມ. ສິ່ງນີ້ເປັນປະໂຫຍດໃນການປ້ອງກັນຄວາມສ່ຽງ – ການລົງທຶນທີ່ເຄື່ອນໄຫວໃນທິດທາງກົງກັນຂ້າມ – ຕໍ່ຕ້ານກັບການແກ້ໄຂຕະຫຼາດ ຫຼືພາວະການຖົດຖອຍ.

ໃນລະຫວ່າງການແຜ່ລະບາດຂອງ Covid-19, ບໍ່ແມ່ນນັກລົງທຶນທັງໝົດຈະຫັນໄປລົງທຶນໃນ Bitcoin. ຫຼາຍໆຄົນປະຕິບັດຕາມກົນລະຍຸດແບບດັ້ງເດີມ ແລະປ່ຽນໄປລົງທຶນໃນທອງຄຳ. ດ້ວຍເຫດນີ້, ສົ່ງຜົນໃຫ້ລາຄາທອງຄຳເພີ່ມຂຶ້ນຈາກຕ່ຳກວ່າ 1,300 ໂດລາໃນທ້າຍປີ 2019 ເປັນເກືອບ 2,100 ໂດລາໃນກາງປີ 2020. ມາຮອດປີ 2021, ລາຄາຄຳໄດ້ຫຼຸດລົງຍ້ອນເສດຖະກິດຟື້ນຕົວຊ້າ ແຕ່ຍັງສູງກວ່າລະດັບການຖົດຖອຍກ່ອນການລະບາດໂດຍສະເລ່ຍ.

• ຜົນຕອບເເທນຂອງການລົງທຶນທອງຄຳ

ຖ້າພວກເຮົາລົງທຶນໃນຄໍາໃນເດືອນມັງກອນ 2019 ແລະຖືຄອງເປັນເວລາ 1 ປີ 4 ເດືອນດ້ວຍການລົງທຶນ 1,000,000 ກີບ, ເງິນຈໍານວນນີ້ຈະເຕີບໂຕເຖິງ 1,330,000 ກີບ, ໝາຍຄວາມວ່າພວກເຮົາໄດ້ຮັບຜົນຕອບແທນປະມານ 33%.

ໃນໄລຍະການລົງທຶນ ມີຊ່ວງເວລາທີ່ການລົງທຶນຂອງເຮົາຕິດລົບ 1.5% ຫຼື 15 ໂດລາ, ແຕ່ຖ້າເຮົານັບຈາກຈຸດທີ່ຜົນຕອບແທນໃນ Portfolio ຂອງເຮົາສູງສຸດແລ້ວປັບລົງໃນທ້າຍໄລຍະເວລາ ຫຼື Drawdown ກໍ່ຈະເປັນ -2% ແລະຖ້າພວກເຮົາເປີດເບີ່ງຜົນຕອບແທນຂອງການລົງທຶນໃນກາງເດືອນເມສາ ປີ 2020, ພວກເຮົາຈະມີ 1,350,000 ກີບໃນຫຼັກຊັບການລົງທຶນຂອງພວກເຮົາ.

• ຜົນຕອບເເທນຂອງການລົງທຶນ Bitcoin

ໃນ​ຂະ​ນະ​ດຽວ​ກັນ ຖ້າພວກເຮົາຊື້ ແລະຖື Bitcoin ຕັ້ງແຕ່ເດືອນມັງກອນ 2019 ຫາເດືອນເມສາ 2020, ໃນໄລຍະເວລາດຽວກັນກັບຄໍາ, 1,000,000 ກີບຂອງພວກເຮົາຈະກາຍເປັນ 2,080,000 ກີບ, ເຊິ່ງຄິດເປັນຜົນຕອບແທນ 108%, ໄລຍະເວລາການລົງທຶນທີ່ຕິດລົບຫຼາຍສຸດຢູ່ທີ່ 9.5% ເທົ່າກັບພວກຂາດທຶນກວ່າ 95,000 ກີບ, ຖ້າພວກເຮົານັບຈາກຈຸດສູງສຸດຂອງ Portfolio ໃນໄລຍະນີ້ແລ້ວປັບຕົວລົງໃນເດືອນເມສາ 2020 (Drawdown) ຈະເປັນ -40% ແລະຖ້າພວກເຮົາເປີດເບິ່ງຜົນຕອບແທນໃນຊ່ວງກໍາໄລສູງສຸດຫຼືເດືອນພຶດສະພາ ປີ 2019, ພວກເຮົາ ຈະມີເງິນໃນການລົງທຶນເຖິງ 3,500,000 ກີບ.

• ການລົງທຶນກັບ Bitcoin ດີກວ່າການລົງທຶນກັບທອງຄໍາຫຼືບໍ່?

ອັນໃດດີກວ່າແມ່ນຂຶ້ນກັບຄວາມສ່ຽງທີ່ເຮົາເລືອກ, ກົນລະຍຸດໃນ​ການ​ລົງ​ທຶນ,​ ຈຳນວນເງິນທີ່ເຈົ້າຕ້ອງການ ແລະ ຫຼາຍປານໃດທີ່ເຮົາສາມາດຍອມຮັບໄດ້ຕໍ່ການສູນເສຍ.

Bitcoin ມີຄວາມຜັນຜວນຫຼາຍກ່ວາຄໍາ. ນີ້ເຮັດໃຫ້ການລົງທຶນມີຄວາມສ່ຽງຫຼາຍກ່ວາຄໍາ.

ການລົງທຶນໃນ cryptocurrencies ແລະ ການສະເໜີຂາຍຫຼຽນອື່ນໆ (ICO) ແມ່ນມີຄວາມສ່ຽງສູງ ແລະ ເປັນການເກງກຳໄລ. 

ຖ້າພວກເຮົາເບິ່ງເເບບຜ່ານໆ ຈາກຜົນຕອບແທນຂອງການລົງທຶນຂ້າງເທິງ. ດັ່ງທີ່ພວກເຮົາສາມາດເຫັນໄດ້, ສໍາລັບການລົງທຶນທີ່ຖືຊັບສິນໃນໄລຍະຍາວ, Bitcoin ໃຫ້ຜົນຕອບແທນສູງກວ່າການລົງທຶນຄໍາ. ແຕ່ຈຸດສໍາຄັນທີ່ພວກເຮົາບໍ່ສາມາດເບີ່ງຂ້າມໄປໄດ້ກໍຄືການຜັນຜວນຂອງ Bitcoin. ການປ່ຽນແປງຂອງລາຄາແມ່ນສູງກວ່າຄໍາຫຼາຍ ເທົ່າກັບຄວາມສ່ຽງການລົງທຶນຫຼາຍຂຶ້ນຕາມເຊັ່ນກັນ.

ທີ່ມາ : https://cutt.ly/DM0MXak

**ໝາຍເຫດ : ການລົງທຶນມີຄວາມສ່ຽງ ສະກຸນເງິນດິຈິຕອນແຕ່ລະສະກຸນມີຄວາມແຕກຕ່າງກັນ ຄວນສຶກສາຂໍ້ມູນໃຫ້ລະອຽດທຸກຄັ້ງກ່ອນລົງທຶນ.

ຊ່ອງທາງການຕິດຕໍ່:
Website: www.bitqik.com
bitqik Suport : https://support.bitqik.com/
Facebook: https://www.facebook.com/bitqik/
bitqik Academy : https://www.facebook.com/profile.php?id=100086347500753
bitqik Insight : https://insight.bitqik.com/
Tiktok: https://vt.tiktok.com/ZSdT86ut3/
Youtube : https://www.youtube.com/channel/UC2wf6B1zII-2jPtVfwmKvoA
Instagram : https://www.instagram.com/bitqikofficial/
Twitter : https://twitter.com/bitqikofficial

bitqik #bitcoin #bitqik #bitqikacademy #cryptocurrency #blockchain